Marqus 14:21 - Ṯarifiṯ 2020

²¹ Inna-asen: "Mmis n bnaḏem aḏas iwqeƹ ƹlaḥsab mamc xas iqqar Lkitab, walakin ya ȓefḍiḥeṯ n nni iy ṯ ɣa izzenzen! Ḥsen i netta mȓi war d ixȓiq ca."

Marqus 14:21 ပူးပေါင်းရင်းမြစ်များ

Matta 26:54

Walakin mammec iy ɣa ikemmeȓ wawaȓ iy inna Siḏi Arebbi belli manaya itxeṣṣa aḏ iwqeƹ ammu?"

Matta 26:56

Walakin marra manaya iwqeƹ ḥima aḏ ikemmeȓ min yurin ḏi Lkutub n lʼanbiya." Uca semḥen ḏayes marra imeḥḍaren nnes arewȓen.

Marqus 14:20

Indeq-d Ƹisa inna-asen: "Ijjen zi kenniw zi ṯenƹac iḏwem, wenni iy kiḏi issisnen ḏi ṭṭebṣi."

Marqus 14:22

Wami ƹaḏ tetten, iysi-d aɣrum icekkar Arebbi irza aɣrum nni yuca-asen-ṯ i imeḥḍaren nnes inna-asen: "Ysim-ṯ, ḏ wa ig iǧan ḏ ddat inu."

Marqus 14:49

Tuɣa tɣimiɣ akiḏwem mkuȓ nhar ḏi ṯemzida ṯameqqrant seȓmaḏeɣ ḏinni, war ḏayi ṯeṭṭifem ca. Walakin marra manaya iwqeƹ ḥima aḏ ikemmeȓ min yurin ḏi Lkutub."

Luqa 22:22

Mmis n bnaḏem aḏas iwqeƹ ƹlaḥsab mamc xas iqqar Lkitab, walakin ya ȓefḍiḥeṯ n bnaḏem nni iy ṯ ɣa izzenzen."

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Yuḥanna 19:28

Menbaƹd i manaya issen Ƹisa belli kuȓci ikemmeȓ, inna: "Aqayi ffuḏeɣ." S wawaȓ nni iffeɣ min d yusin ḏi Lkitab.

Ȓexḏayem 1:25

Akiḏneɣ yiȓi ḏi ȓxeḏmeṯ-a, aḏ iḏweȓ ḏ arrasul ḏeg umcan n Yahuḏa wenni ig isemḥen ḏi ȓxeḏmeṯ-a iruḥ ɣar umcan nnes aƹeffan."

Ȓexḏayem 2:23

Y kenniw min ḏas ṯeggim? Wami itwasellem ƹlaḥsab mammec ixes Arebbi ḏ mammec tuɣa issen netta, kenniw tṣellbem-ṯ ṯenɣim-ṯ s ifassen n lkuffar.

Ȓexḏayem 4:27

Li'anna ḏ ṣṣaḥ azeǧiḏ Hirudus ḏ lḥakem Bunṭyus Bilaṭus munen ak Ayṯ-Israʼil ḏ yinni war iǧin ca zi Ayṯ-Israʼil ḏi ṯendint-a. Tafqen ḍed i uxeddam nnec iqeddsen Ƹisa iy ṯixḍareḏ.