37 Min ḏawem qqareɣ, qqareɣ-ṯ i marra: Iȓim ƹlabal!"
X manaya faqem baƹda, qa war ṯessinem ca meȓmi d ɣa iḏweȓ Siḏiṯwem.
Ḥḍam ixef nwem, iȓim ƹlabal ȓaḥeqqac war ṯessinem ca meȓmi d ɣa ṯas ȓweqṯ nni.
X manaya faqem baƹda, qa war ṯessinem meȓmi d ɣa iḏweȓ bab n ṯeddarṯ. War ṯessinem ma ag uƹecci niɣ ɣar ȓwesṭ n ǧiȓeṯ niɣ xmi ɣa idden uyaziḍ niɣ ɣar ȓefjar.
Mayemmi manaya? Kenniw ṯessnem man ȓweqṯ iy ḏi neǧa neccin. Ṯuweḍ-d ṯsaƹƹat ḥima aḏ tfaqem zeg yiḍeṣ. Liʼanna ṯsaƹƹat-a iy ḏi ɣa nenjem ȓexxu aqa ṯqarreb-d ktar zi ṯenni iy ḏi numen ḏ amezwaru.
