Marqus 13:33 - Ṯarifiṯ 2020

³³ Ḥḍam ixef nwem, iȓim ƹlabal ȓaḥeqqac war ṯessinem ca meȓmi d ɣa ṯas ȓweqṯ nni.

Marqus 13:33 ပူးပေါင်းရင်းမြစ်များ

Matta 25:13

Iḏen, iȓim ƹlabal ȓaḥeqqac war ṯessinem uȓa ḏ nhar nni uȓa ḏ ṯsaƹƹat nni.

Marqus 13:23

Iȓim ƹlabal kenniw! Aqa nec ƹeȓmeɣ-awem x marra manaya qbeȓ ma aḏ iwqeƹ.

Luqa 12:40

Swejḏem ixef nwem minzi Mmis n bnaḏem aḏ d yas ḏeg yijjen n ṯsaƹƹat war ṯ trijim ca."

Ayṯ-Ruma 13:14

Walakin, ggeṯ ȓeḥwayej n Siḏiṯneɣ Ƹisa Lmasiḥ. War rehham ca ak ṭṭabiƹa ṯaƹeffant nwem, war tseƹƹafeṯ ca ccehawaṯ nnes.

1 Ayṯ-Kurinṯ 16:13

Iȓiṯ ƹlalbal, beddeṯ nican ḏi lʼiman, iȓiṯ ḏ iryazen, iȓiṯ ṯjehḏem.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ayṯ-Kulus 4:2

Teggem lmejhud s ṯẓaǧiṯ nwem, iȓim ƹlabal ḏi ṯẓaǧit nwem cekkarem Arebbi.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

1 Buṭrus 5:8

Arrem-d ȓbaȓ nwem, iȓiṯ ƹlabal. Ȓaƹḏu nwem Ibȓis qa itqeyyaḏ-kenniw am ssbaƹ ithirriw irezzu x wenni iy ɣa iseɣȓi.

Lwaḥi 16:15

("Ṣennṭeṯ, qa nec aḏ d aseɣ am d yusa ij uceffar. Ssaƹḏ n wenni iy ɣa yiȓin ƹlabal aḏ iḥḍa arruḍ nnes ḥima war iggur ca ḏ aƹeryan aḏ ẓren yiwḏan ṯuƹaryant nnes.")

Lwaḥi 3:2

Iȓi ƹlabal, egg jjheḏ nnec ḏi ȓexḏayem nnec iy ḏac iqqimen qbeȓ ma aḏ mmṯent qaƹ. Nec ufiɣ ȓexḏayem nnec war kemmȓent ca zzaṯ i Arebbi inu.