Marqus 13:27 - Ṯarifiṯ 2020

²⁷ Aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ddunect-a aȓ ȓaḥedd n ujenna.

Marqus 13:27 ပူးပေါင်းရင်းမြစ်များ

Matta 12:42

Yum Lḥisab ḏ Lƹiqab aḏ tekkar lmalika n ljanub ak yiwḏan n ȓweqṯ-a axasen ṯceṯca, ȓaḥeqqac ṯusa-d nettaṯ zi ṯmurṯ yugjen ḥima aḏ tṣenneṭ i ȓefhameṯ n Suliman. U ḏanita ijjen ḏ ameqqran zi Suliman.

Matta 13:41

Aḏ d issekk Mmis n bnaḏem lmalaʼikaṯ nnes, aḏ kksent zi ȓmulk nnes marra min itsebbaben ḏi ȓmuƹṣiyaṯ ḏ yinni iteggen ccarr.

Matta 13:49

Ammu iy ɣa yiȓi nhar iy ḏi ɣa ifna zman: Aḏ d asent lmalaʼikaṯ aḏ fernent ȓkuffar zi ȓmuminin;

Matta 24:22

Maƹlik Siḏi Arebbi war isenqis ca ḏi ȓiyyam nni n tamara-ya iy d ɣa yasen, ataf war inejjem uȓa ḏ ijjen. X ssabab n yinni ixḍar Arebbi, ataf aḏ isenqes ȓiyyam nni iy d ɣa yasen.

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Matta 24:31

Aḏ iṣuḍ ijjen n zzammar ḏ ameqqran, aḏ d issekk lmalaʼikaṯ nnes ɣar arbeƹa n imucan n ṯmurṯ manis d itekk arriḥ: zi ccarq ḏ lɣarb ḏ ljanub ḏ ccamal. Aḏ d ismun yinni ixḍar zi ȓaḥedd n ujenna aȓ ȓaḥedd nnes nneɣni.

Marqus 13:20

Maƹlik Siḏi Arebbi war isenqis ca ḏi ȓiyyam nni n tamara-ya iy d ɣa yasen, ataf war inejjem uȓa ḏ ijjen. X ssabab n yinni ixḍar Arebbi, ataf aḏ isenqes ȓiyyam nni iy d ɣa yasen.

Marqus 13:22

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Marqus 13:28

Ȓemḏem ijjen n ȓmaƹna zi ṯcejjarṯ n ṯazarṯ. Ɣir ȓefruƹ nnes aḏ ḥebbben aḏ ggen ṯifray, ataf aḏ tessnem yallah anebḏu iqarreb-d.

Luqa 16:22

Ṣafi immuṯ ȓmeskin nni, ysint-ṯ lmalaʼikaṯ sersent-ṯ x ufuḏ n Brahim. Ƹaweḏ immuṯ ttajar nni ysin-ṯ neḍȓen-ṯ.

Luqa 18:7

Arebbi, ma war ḏasen iticc ȓḥaqq i yiwḏan nnes iy ṯ itettaren ǧiȓeṯ ḏ nhar? Ma axasen iƹeṭṭaȓ war ḏasen istijib ca?

Yuḥanna 10:16

Ɣari iḥuȓiyen nneɣni war ǧin ca ḏi ȓkuri-ya, itxeṣṣa-ayi aṯen d awiɣ. Aḏ sȓen i ṣṣut inu aḏ tiȓi ḏ ijjen n ṯḥimerṯ ḏ ijjen iy ṯen ɣa yarewsen.

Yuḥanna 11:52

War iǧi bu x lʼumma n Ayṯ-Israʼil waha, uȓa ḏ ṯarwa n Arebbi itemzeǧaƹen ḏi ṯmura, aṯen ismun Arebbi ḏ ijjen.

Ayṯ-Ruma 8:33

Wi izemmaren aḏ itahem yinni iy ixḍar Arebbi? Uȓa ḏ ijjen! Arebbi s yixef nnes netta ig isemṣȓaḥen akiḏes iwḏan.

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

2 Ayṯ-Salunik 2:1

Amma Yum nni xmi d ɣa imeḍhar Siḏiṯneɣ Ƹisa Lmasiḥ neccin aɣares ngaƹƹeḏ. Ay ayṯma, neqqar-awem

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.