Marqus 12:29 - Ṯarifiṯ 2020

²⁹ Inna-as Ƹisa: "Ȓuṣiyeṯ ṯameqqrant ḏ ṯanita: Ṣennṭeṯ ay Ayṯ-Israʼil, Siḏi Arebbi ḏ lʼilah nneɣ, Siḏi Arebbi ḏ ijjen.

Marqus 12:29 ပူးပေါင်းရင်းမြစ်များ

Matta 10:37

Wenni xef iƹizz babas niɣ ḏ yemmas ktar zzayi nec, ataf war ḏayi isḏiheǧ ca. Wenni xef iƹizz mmis niɣ ḏ yeǧis ktar zzayi nec, ataf war ḏayi isḏiheǧ ca.

Matta 23:9

War tȓaɣam i ḥadd ḏi ṯmurṯ: A babaṯneɣ. Ȓaḥeqqac ɣarwem ɣir ijjen n Babaṯwem aqaṯ ḏeg ujenna.

Luqa 10:27

Yarra xas wenni inna-as: "Itxeṣṣa-ac aḏ texseḏ Siḏi Arebbi nnec s marra uȓ nnec ḏ marra arruḥ nnec ḏ marra jjheḏ nnec ḏ marra ȓaƹqeȓ nnec. Aḏ texseḏ ajjar nnec amecnaw ixef nnec."

Ayṯ-Ruma 3:30

Liʼanna Arebbi netta ḏ ijjen. Ḏ netta ig ismeṣȓahen Ayṯ-Israʼil akiḏes s lʼiman, ḏ yinni war iǧin ca zi Ayṯ-Israʼil s nnefs lʼiman.

1 Ayṯ-Kurinṯ 8:4

Amma lmakla itqeddamen i lʼaṣnam, nessen lʼaṣnam ǧan ḏi ddunect-a walakin ḏ ixarriqen waha. Nessen neccin ijjen n Arebbi ig iǧan, waḥḏes.

Ayṯ-Galaṭya 3:20

Netta ḏ lwasiṭ waha, iƹni war ixeddem ca waḥḏes. Walakin Arebbi netta ig iǧan waḥḏes.

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

1 Timutawus 2:5

Liʼanna ḏinni ijjen n Arebbi waḥḏes ḏ yijjen lwasiṭ waḥḏes jar Arebbi ḏ yiwḏan iƹni aryaz-a ḏ Ƹisa Lmasiḥ.

Yaƹqub 2:19

Cek tamneḏ belli Arebbi netta ḏ ijjen? Iwa mliḥ, walakin uȓa ḏ ccayaṭin tamnen s manayenni terjijin.

Yahuḏa 1:25

iƹni Arebbi wenni iǧan waḥḏes isenjam-aneɣ. Aɣares ṯiȓi lƹaḍama ḏ ṯuƹȓat ḏ lquwwa ḏ ssulṭa s Ƹisa Lmasiḥ Siḏiṯneɣ iƹni qbeȓ i marra zmanaṯ iy iƹḏun u ḏ ȓexxu u ḏ ȓebda n ȓebdaṯ. Amin.