Marqus 12:28 - Ṯarifiṯ 2020

²⁸ Yusa-d ijjen zeg imseȓmaḏen n ccariƹa isȓa-yasen temnaqacen, yufa belli Ƹisa ijaweb-iṯen mliḥ. Ikkar netta inna-as i Ƹisa: "Min ṯeƹna ȓuṣiyeṯ iy iǧan ḏ ṯameqqrant qaƹ ḏi ccariƹa?"

Marqus 12:28 ပူးပေါင်းရင်းမြစ်များ

Matta 19:18

Inna-as uḥenjir nni: "Man ȓuṣiyaṯ?" Inna-as Ƹisa: "War neqq, war zenni, war tacar, war cehheḏ bu ẓẓur,

Matta 23:23

Ya ȓefḍiḥeṯ nwem, ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Ticcem ȓaƹcur uȓa x naƹnaƹ ḏ uwram ḏ ȓcemmun, walakin war tehtimim ca min iǧan muhim qaƹ ḏi ccariƹa iƹni ȓḥaqq ḏ arraḥmeṯ ḏ lʼiman. Lla, itxeṣṣa-awem aḏ tehtamem s manaya bȓa ma tettum ȓaƹcur.

Matta 5:19

Marra uw ɣa iḥarfen ijjen n ȓuṣiyeṯ ḏ ṯamezyant zi ccariƹa, ssenni aḏ iseȓmeḏ i yiwḏan x min itegg netta, ataf aḏ yiȓi ḏ amezyan s waṭṭas ḏi ȓmulk ujenna. Walakin wenni ɣa iṭaƹen i ccariƹa igga zzayes, ssenni aḏ iseȓmeḏ i yiwḏan aḏ ggen am netta, ataf aḏ yiȓi ḏ ameqqran s waṭṭas ḏi ȓmulk ujenna.

Marqus 9:14

Ƹisa ḏ yinni akiḏes dewȓen-d ɣar imeḥḍaren ufin ḏinni ȓɣaci ḏ ameqqran munen-d xasen. Ufin ƹaweḏ can imseȓmaḏen n ccariƹa tmenɣan ak imeḥḍaren nni.

Luqa 11:42

Ya ȓefḍiḥeṯ nwem a ȓḥizeb n ifarrisiyen! Ticcem ȓaƹcur uȓa x naƹnaƹ ḏ uwram ḏ marra ȓaƹcub, walakin war tehtimim ca zi ȓḥaqq ḏ ȓemḥibbeṯ n Arebbi. Lla, ixeṣṣa-awem aḏ tehtamem s manaya bȓa ma tettum ȓaƹcur.

Luqa 20:39

Nnan-as can imseȓmaḏen n ccariƹa: "A Siḏi, ṯenniḏ mliḥ!"