Marqus 12:12 - Ṯarifiṯ 2020

¹² Lḥukkam n Ayṯ-Israʼil rezzun aḏ ṭṭfen Ƹisa, walakin ggwḏen zi ccaƹb. Fehmen belli issawaȓ xasen Ƹisa s ȓmaƹna-ya. Jjin-ṯ uyuren ssenni.

Marqus 12:12 ပူးပေါင်းရင်းမြစ်များ

Matta 21:26

Meȓa nenna-as ssulṭa nni ṯekka-d zeg yiwḏan, ataf neccin a neggweḏ zi ccaƹb minzi marra ccaƹb twaȓan belli Yaḥya netta ḏ nnabi."

Matta 22:22

Wami sȓin i ujawab nni qqimen tƹejjben ḏayes. Ssenni semḥen ḏayes uyuren.

Marqus 11:18

Sȓin-as arruyas n ȓfuqaha ḏ imseȓmaḏen n ccariƹa, bḏan tfekkaren mammec ṯ ɣa nɣen. Ggwḏen zzayes wami marra ȓɣaci qqimen ḏehhcen s useȓmeḏ nnes.

Marqus 11:32

Walakin, meȓa nenna-as ssulṭa nni qa ṯekka-d zeg yiwḏan???" Ggwḏen niṯni zi ccaƹb aḏ inin amenni minzi qaƹ twaȓan belli Yaḥya netta ḏ nnabi.

Luqa 20:19

Ȓexddenni imseȓmaḏen n ccariƹa ḏ arruyas n ȓfuqaha rezzun aḏ ṭṭfen Ƹisa, fehmen belli issawaȓ xasen s ȓmaƹna-ya walakin ggwḏen zi ccaƹb.

Luqa 20:6

Walakin meȓa nenna-as ssulṭa nni qa ṯekka-d zeg yiwḏan, ataf marra iwḏan aḏaneɣ rejmen minzi umnen belli Yaḥya ḏ nnabi."

Yuḥanna 7:25

Ȓebƹaḍ zi ṯendint n Lquds nnan, ḏ wanita imken iy irezzun aṯ nɣen niɣ lla?

Yuḥanna 7:30

Ȓexddenni rezzun aṯ ṭṭfen, walakin war xas isers fus ḥadd zzaysen minzi ȓweqṯ nnes ƹaḏ war d tuwiḍ.

Yuḥanna 7:44

Ȓebƹaḍ rezzun aṯ ṭṭfen, walakin war xas isers fus ḥadd zzaysen.