Marqus 11:33 - Ṯarifiṯ 2020

³³ Uca nnan-as i Ƹisa: "Neccin war nessin ca." Indeq-d Ƹisa inna-asen: "Iwa uȓa ḏ nec war ḏawem qqareɣ ca manis ḏayi d ṯekka ssulṭa-ya iy zi teggeɣ ṯimesȓayin-a."

Marqus 11:33 ပူးပေါင်းရင်းမြစ်များ

Matta 15:14

Jjem-ṯen! Niṯni ḏ iḍarɣaȓen tjarran iḍarɣaȓen. Meȓa aḍarɣaȓ ijarr aḍarɣaȓ, ataf aḏ wḍan s ṯnayen iḏsen ḏi can ṯesrafṯ."

Matta 16:4

Iwḏan iƹeffanen n ȓweqṯ-a ixeddƹen Arebbi tettaren lƹalama ṯameqqrant, walakin war ḏasen itmuci illa lƹalama nni n nnabi Yunes." Ssenni iruḥ ijji-ṯen.

Matta 21:27

Kkaren nnan-as i Ƹisa: "War nessin ca." Indeq-d Ƹisa inna-asen: "Iwa uȓa ḏ nec war ḏawem qqareɣ ca manis ḏayi d ṯekka ssulṭa-ya iy zi teggeɣ ṯimesȓayin-a."

Marqus 11:32

Walakin, meȓa nenna-as ssulṭa nni qa ṯekka-d zeg yiwḏan???" Ggwḏen niṯni zi ccaƹb aḏ inin amenni minzi qaƹ twaȓan belli Yaḥya netta ḏ nnabi.

Marqus 12:1

Ibḏa Ƹisa issawaȓ akiḏsen s ȓemƹani inna-asen: "Ijjen n ssiyyed iẓẓu aḍiȓ ḏeg yijjen n umarjeƹ nnes. Inneḍ-as-d ȓḥiḍ, igga ḏayes ṯasirṯ uḍiȓ. Ibna ḏayes ijjen n ṯsumƹeṯ i ȓƹasseṯ. Ijja ḏayes ixemmasen ṣafi iruḥ isafar.

Yuḥanna 3:10

Yarra xas Ƹisa inna-as: "Iwa ṯseȓmaḏeḏ cek Ayṯ-Israʼil war ṯfehhimeḏ ca manaya?

Yuḥanna 9:27

Inna-asen: "Nniɣ-awem-t war ḏayi ṯṣennṭem ca. Mayemmi ṯexsem aḏ tesȓem ƹaweḏ? Ma ṯexsem uȓa ḏ kenniw aḏ tiȓim ḏ imeḥḍaren nnes?"

Ayṯ-Ruma 1:28

Ssenni niṯni wami ugin aḏ ssnen Arebbi, isellem-iṯen i ȓaƹquȓaṯ nsen infeḍḥen aḏ ggen min war iḥȓin.

2 Ayṯ-Kurinṯ 3:15

Wah, aȓ nhara xmi ɣa ɣaren Ayṯ-Israʼil ḏi Lkitab n Musa ataf uȓawen nsen ɣemmsen s yijjen n ltam.