22 Indeq-d Ƹisa inna-asen: "Amnem zi Arebbi!
Inna-as Ƹisa: "Araḥ-d!" Ikkar ihwa-d Buṭrus zi ṯɣarrabut iggur x iḍaren x waman ɣar Ƹisa.
Inna-asen Ƹisa: "Ȓaḥeqqac lʼiman nwem ḏ uqlil. Aqa tesȓam ȓḥaqq: Mȓi ḏaywem lʼiman ɣir anect ijjen n ṯḥebbuct n bugarḏaȓ, aḏ tinim i uḏrar-a: Neqȓeƹ-d cek ssanita ruḥ ɣar ḏiha ataf aḏ d ineqȓeƹ. War xawem iteqsiḥ walu.
Indeq-d Ƹisa inna-asen: "Aqa tesȓam ȓḥaqq: Mȓi ḏaywem lʼiman war ṯcekkim ca, ataf aḏ teggem ktar zi min itwaggen i ṯcejjarṯ-a. Meȓa ṯennim i uḏrar-a: Neqȓeƹ-d cek ssanita ṯmenḍareḏ ḏi ȓebḥar, ataf aḏ ineqȓeƹ.
Inna-as Ƹisa: "Mayemmi iy ɣa ṯiniḏ meȓa zemmareɣ? Iwa wenni yumnen izemmar i kuȓci."
"Itxeṣṣa kenniw war txeyyiqen ca wuȓawen nwem. Amneṯ zi Arebbi, amneṯ ƹaweḏ zzayi.
Iƹni ṯenḍȓem akiḏes s ṭṭahareṯ nwem ḏeg waman, u ƹaweḏ s ṭṭahareṯ nwem ḏeg waman ṯekkarem-d akiḏes zi ȓmewṯ s lʼiman nwem ḏi ṯzemmar n Arebbi wenni d isekkaren Ƹisa zi ȓmewṯ.
Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.
