Marqus 10:23 - Ṯarifiṯ 2020

²³ Ixzar ɣarsen Ƹisa inna-asen i imeḥḍaren nnes: "Mecḥaȓ iqseḥ xasen x twajar aḏ aḏfen ȓmulk n Arebbi."

Marqus 10:23 ပူးပေါင်းရင်းမြစ်များ

Matta 18:3

Inna-asen: "Aqa tesȓam ȓḥaqq: Labud i kenniw aḏ tḏewȓem aḏ tiȓim amecnaw iḥenjiren imezyanen. Meȓa lla, ataf ƹemmarṣ aḏ taḏfem ḏi ȓmulk ujenna.

Marqus 10:15

Aqa tesȓam ȓḥaqq: Labud i bnaḏem aḏ yamen s ȓmulk n Arebbi mamc zzayes itamen uḥenjir amezyan. Meȓa lla, ataf bnaḏem nni ƹemmarṣ aḏ yaḏef ḏi ȓmulk n Arebbi."

Marqus 10:22

Wami isȓa i manayenni iruḥ ixeyyeq aṭṭas ȓaḥeqqac ɣares aṭṭas n wagȓa.

Marqus 3:5

Ixzar ɣarsen iƹeṣṣeb, ixeyyeq ȓaḥeqqac uȓawen nsen qesḥen. Inna-as i uryaz nni: "Sarreḥ fus nnec." Isarreḥ-iṯ uca iḏweȓ ufus nnes igenfa.

Marqus 5:32

Walakin iqqim ƹaḏ ixezzar ammu ḏ wammu ḥima aḏ iẓer wi iggin manayenni.

Luqa 18:24

Ixzar ḏayes Ƹisa inna: "Mecḥaȓ iqseḥ xasen x twajar aḏ aḏfen ȓmulk n Arebbi.

Yuḥanna 3:5

Inna-as Ƹisa: "Aqa tesȓiḏ ȓḥaqq: Meȓa can yijjen war d ixȓiq ca s waman ḏ Arruḥ n Arebbi, war izemmar aḏ yaḏef ḏi ȓmulk n Arebbi.

1 Ayṯ-Kurinṯ 1:26

Ay ayṯma, fekkareṯ ḏi min tuɣa ṯeǧam qbeȓ wami ḏawem d iȓaɣa i kenniw Arebbi. Maci aṭṭas iḏwem iy ḏi tuɣa ṯeǧa ȓefhameṯ ƹlaḥsab min qqaren yiwḏan. Maci aṭṭas iḏwem kenniw ɣar tuɣa ṯeǧa lmartaba. Maci aṭṭas iḏwem kenniw lʼaṣel nwem tuɣaṯ zeg imeqqranen.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.

2 Buṭrus 1:11

Ataf aḏawem twassewjeḏ ƹaweḏ ijjen n ṯewwarṯ ḏ ṯaṣebḥant ɣar ȓmulk nnes war ifennin ca n Siḏiṯneɣ Ƹisa Lmasiḥ wenni iy ḏaneɣ isenjamen.