Marqus 10:1 - Ṯarifiṯ 2020

¹ Ikkar Ƹisa iffeɣ ssenni iruḥ ɣar jwayeh n Yahuḏiya ḏ ujemmaḍ-in n yiɣzar n Lʼurdun. Munen-d xas ḏinni ȓɣaci ƹaweḏ, ibḏa iseȓmaḏ-iṯen amecnaw ȓebda.

Marqus 10:1 ပူးပေါင်းရင်းမြစ်များ

Matta 26:55

Ȓexddenni inna-asen Ƹisa i yiwḏan nni: "Ma tɣir-awem qa nec ḏ lmujrim wami d ṯeysim ȓesyuf ḏ idebbuzen ḥima aḏayi ṯeṭṭfem niɣ? Tuɣa tɣimiɣ mkuȓ nhar ḏi ṯemzida ṯameqqrant, seȓmaḏeɣ ḏinni war ḏayi ṯeṭṭifem ca.

Matta 4:23

Iggur Ƹisa ḏi lʼiqlim n Ljalil marra, iseȓmaḏ ḏi ṯemziḏawin n Ayṯ-Israʼil itbeccar-iṯen s Lʼinjil n ȓmulk n Arebbi isgenfa marra ȓehȓacaṯ ḏ ddiƹan n ddat ḏeg yiwḏan.

Marqus 1:21

Uḏfen ɣar ubilaj n Kafernaḥum. Ḏi nhar n ssebṯ n lƹibada yuḏef Ƹisa ḏi ṯemziḏa n Ayṯ-Israʼil ibḏa iseȓmaḏ ḏinni.

Marqus 10:2

Qarrben-d ɣares can yiwḏan zi ȓḥizeb n ifarrisiyen ḥima aṯ jarrben nnan-as: "Ma ḥalal aḏ iǧef can uryaz i ṯemɣarṯ nnes?"

Marqus 12:35

Ƹisa aqaṯ ḏi ṯemziḏa ṯameqqrant iseȓmaḏ ḏinni. Indeq-d inna-asen: "Mayemmi qqaren imseȓmaḏen n ccariƹa qa Lmasiḥ ḏ mmis n Dawed?"

Marqus 14:49

Tuɣa tɣimiɣ akiḏwem mkuȓ nhar ḏi ṯemzida ṯameqqrant seȓmaḏeɣ ḏinni, war ḏayi ṯeṭṭifem ca. Walakin marra manaya iwqeƹ ḥima aḏ ikemmeȓ min yurin ḏi Lkutub."

Marqus 2:13

Iffeɣ Ƹisa ƹaweḏ ɣar ṭṭarf n ȓebḥar, usin-d ɣares marra ȓɣaci iseȓmaḏ-iṯen ḏinni.

Marqus 4:2

Iseȓmaḏ-asen aṭṭas n ṯmesȓayin s ȓemƹani. Inna-asen ḏeg useȓmeḏ nnes:

Marqus 6:2

Nhar n ssebṯ n lƹibada, ibḏa iseȓmaḏ ḏi ṯemziḏa nni. Marra yinni ḏas itsȓan qqimen tƹejjben ḏayes nnan: "Mani yufa manaya? Min ṯeƹna ȓefhameṯ-a iy ḏas immucen? Mammec igga lmuƹjizaṯ-a ig iweqƹen x ifassen nnes?

Marqus 6:34

Wami d iḍra Ƹisa zi ṯɣarrabut yufa ḏinni ȓɣaci nni, qqsen-as minzi ggin amecnaw iḥuȓiyen war ɣarsen ca uw ṯen ɣa yarewsen. Ibḏa iseȓmaḏ-asen aṭṭas n ṯmesȓayin.

Marqus 6:6

Itƹejjeb ȓaḥeqqac lʼiman nsen ḏ uqlil. Ssenni iggur iseȓmaḏ zi dcar ɣar dcar iy ṯ yuḏsen ḏinni.

Yuḥanna 10:40

Iḏweȓ ƹaweḏ ɣar ujemmaḍ-in n yiɣzar n Lʼurdun ɣar umcan mani tuɣa itṭehhar Yaḥya ḏeg umezwaru, iqqim ḏinni.

Yuḥanna 11:7

Menbaƹd i manaya inna-asen i imeḥḍaren nnes: "Yallah a neḏweȓ ƹaweḏ ɣar ṯmurṯ n Yahuḏiya."

Yuḥanna 18:20

Inna-as Ƹisa: "Tbeccareɣ zzaṯ i yiwḏan, seȓmaḏeɣ-ṯen ȓebda ḏi ṯemziḏawin uȓa ḏi ṯemziḏa ṯameqqrant mani tmunen israʼiliyen marra. War ssiwiȓeɣ walu s ṯnufra.