Marqus 1:8 - Ṯarifiṯ 2020

⁸ Nec ṭehhareɣ-kenniw s waman, netta akenniw iṭehhar s Arruḥ iqeddsen."

Marqus 1:8 ပူးပေါင်းရင်းမြစ်များ

Matta 3:11

Nec tṭehhareɣ-kenniw s waman bac aḏ tubem, walakin wenni iy d ɣa yasen menbaƹd i nec, netta ijheḏ xafi. War sḏihiǧeɣ ca aḏas ysiɣ uȓa ḏ ṯisiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Marqus 1:7

Itḥeddaṯ iqqar: "Menbaƹd i nec aḏ d yas ijjen ijheḏ xafi, war sḏihiǧeɣ nec aḏ aḏreɣ ḥima aḏas fesyeɣ uȓa ḏ ifiȓan n ṯsiȓa nnes.

Marqus 1:9

Ḏi ȓiyyam nni yusa-d Ƹisa zeg ubilaj n Naṣira iy iǧan ḏi ṯmurṯ n Ljalil, iṭehhar-iṯ Yaḥya s waman ḏeg yiɣzar n Lʼurdun.

Luqa 3:16

Ijaweb-iṯen Yaḥya marra inna-asen: "Qa nec ṭehhareɣ-kenniw s waman, walakin aḏ d yas ijjen ijheḏ xafi, war sḏihiǧeɣ ca aḏas fesyeɣ uȓa ḏ ifiȓan n ṯsiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Yuḥanna 1:26

Indeq-d Yaḥya inna-asen: "Nec tṭehhareɣ i yiwḏan s waman, walakin ḏanita ijjen ḏi ȓwesṭ nwem war ṯ ṯessinem ca.

Yuḥanna 1:33

Tuɣa nec war ṯ ssineɣ ca min iƹna, walakin ḏ Arebbi iy ḏayi d issekken aḏ ṭehhareɣ i yiwḏan s waman, netta inna-ayi: Wenni ɣa ṯeẓreḏ ihwa-d xas Arruḥ imars xas, ḏ netta iy ɣa iṭehharen i yiwḏan s Arruḥ iqeddsen.

Ȓexḏayem 1:5

Iƹni Yaḥya iṭehhar i yiwḏan s waman, kenniw war ḏawem iqqim ca aḏ twaṭehharem s Arruḥ iqeddsen."

Ȓexḏayem 10:45

Ȓmuminin zeg Ayṯ-Israʼil iy d yusin ak Buṭrus qqimen tƹejjben wami ufin Arruḥ iqeddsen itwafeyyeḍ uȓa x yinni war iǧin ca ḏ israʼiliyen.

Ȓexḏayem 2:17

Arebbi inna: Ḏeg wussan ineggura aḏ farɣeɣ Arruḥ inu x marra iwḏan. Ṯarwa nwem ḏ yissiṯwem aḏ ssiwȓen s min ƹeȓmen zi Arebbi. Iḥenjiren nwem aḏ ẓren lwaḥi, iwessura nwem aḏ arjan ṯirja.

Ȓexḏayem 2:4

Ccuren s Arruḥ iqeddsen marra iḏsen, bḏan ssawaȓen s lluɣaṯ war iǧin bu nsen amecnaw mammec ḏasen yuca Arruḥ aḏ ssiwȓen.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.