Marqus 1:7 - Ṯarifiṯ 2020

⁷ Itḥeddaṯ iqqar: "Menbaƹd i nec aḏ d yas ijjen ijheḏ xafi, war sḏihiǧeɣ nec aḏ aḏreɣ ḥima aḏas fesyeɣ uȓa ḏ ifiȓan n ṯsiȓa nnes.

Marqus 1:7 ပူးပေါင်းရင်းမြစ်များ

Matta 3:11

Nec tṭehhareɣ-kenniw s waman bac aḏ tubem, walakin wenni iy d ɣa yasen menbaƹd i nec, netta ijheḏ xafi. War sḏihiǧeɣ ca aḏas ysiɣ uȓa ḏ ṯisiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Matta 3:14

Walakin Yaḥya yugi inna-as: "Nec itxeṣṣa cek iy ḏayi ɣa iṭehharen, u cek ṯusiḏ-d ɣari?"

Marqus 1:6

Arruḍ n Yaḥya xeḏmen-ṯ s cƹar n uȓɣem, x nneṣṣ nnes ijjen n uḥezzam n yiȓem. Itett ṯmurɣi ḏ ṯamment ṯaḥurrect.

Marqus 1:8

Nec ṭehhareɣ-kenniw s waman, netta akenniw iṭehhar s Arruḥ iqeddsen."

Luqa 3:16

Ijaweb-iṯen Yaḥya marra inna-asen: "Qa nec ṭehhareɣ-kenniw s waman, walakin aḏ d yas ijjen ijheḏ xafi, war sḏihiǧeɣ ca aḏas fesyeɣ uȓa ḏ ifiȓan n ṯsiȓa nnes. Netta akenniw iṭehhar s Arruḥ iqeddsen ḏ yiȓesawen n ṯmessi.

Yuḥanna 1:27

Ḏ netta iy d ɣa yasen menbaƹd i nec, war sḏihiǧeɣ aḏas fesyeɣ uȓa ḏ ifiȓan n ṯsiȓa nnes."

Ȓexḏayem 13:25

Wami Yaḥya ƹȓayen aḏ ikemmeȓ ȓxeḏmeṯ nnes inna-asen: Min ḏayi tarrim kenniw? Qa nec war ǧiɣ ca ḏ wenni iy trajam! Menbaƹd i nec aḏ d yas ijjen war sḏihiǧeɣ aḏas fesyeɣ uȓa ḏ ifiȓan n ṯsiȓa iqqen ḏeg iḍaren nnes."

Ȓexḏayem 19:4

Inna-asen Bulus: "Qa Yaḥya itṭehhar s waman i yinni ituben, iqqar-asen amneṯ zeg wenni iy d ɣa yasen menbaƹd i nec, iƹni Ƹisa."