Marqus 1:5 - Ṯarifiṯ 2020

⁵ Tasen-d ɣares marra imezḏaɣ n ṯmurṯ n Yahuḏiya ḏ marra imezḏaɣ n ṯendint n Lquds, teƹtarafen s ȓmuƹṣiyaṯ nsen, Yaḥya itṭehhar-iṯen s waman ḏeg yiɣzar n Lʼurdun.

Marqus 1:5 ပူးပေါင်းရင်းမြစ်များ

Matta 4:25

Ḏfaren Ƹisa aṭṭas n ȓɣaci zi Ljalil ḏ lʼiqlim umi qqaren Dikaplis ḏ ṯendint n Lquds ḏ Yahuḏiya ḏ jjiheṯ n ccarq n yiɣzar n Lʼurdun.

Marqus 1:4

Yusa-d Yaḥya ɣar ȓexȓa. Itbeccar iwḏan ḥima aḏ tuben aḏ twaṭehharen s waman ḥima aḏ twaɣfarent ȓmuƹṣiyaṯ nsen.

Marqus 1:6

Arruḍ n Yaḥya xeḏmen-ṯ s cƹar n uȓɣem, x nneṣṣ nnes ijjen n uḥezzam n yiȓem. Itett ṯmurɣi ḏ ṯamment ṯaḥurrect.

Yuḥanna 1:28

Marra manaya iwqeƹ ḏeg ubilaj n Bayt Ƹanya ajemmaḍ i yiɣzar n Lʼurdun mani ig itṭehhar Yaḥya i yiwḏan s waman.

Yuḥanna 3:23

Uȓa ḏ Yaḥya itṭehhar i yiwḏan s waman ḏi Ȓƹunṣar n Nun ḏi ṭṭarf n ṯendint n Salim minzi ḏinni aman aṭṭas. Tasen-d ḏinni yiwḏan ḥima aṯen iṭehhar.

Yuḥanna 5:35

Yaḥya yusa-d ḏ ȓefnar ireqqan itecriqen, kenniw ṯexsem aḏ tfarḥem can ȓiyyam s nnur nnes.

Ȓexḏayem 19:18

Usin-d aṭṭas zeg yinni iy yumnen ȓexxu, ȓexḏayem nsen iy tuɣa ggin ṯiƹeffanin ƹtarfen zzaysent.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Yaƹqub 5:16

Ƹtarfeṯ s ȓmuƹṣiyaṯ nwem kenniw i wayawya, ẓẓaǧeṯ x wayawya ḥima aḏ tgenfam. Ṯẓaǧiṯ n bnaḏem ig iǧan nican nettaṯ ḏayes jjheḏ aṭṭas nettaṯ ṯefsus.