Marqus 1:27 - Ṯarifiṯ 2020

²⁷ Ḏehcen marra iwḏan nni nnan i wayawya: "Min iƹna manaya? Aseȓmeḏ-a ḏ jḏiḏ, ḏayes ssulṭa! Itʼamar uȓa ḏ jnun iƹeffanen, teggen-as array."

Marqus 1:27 ပူးပေါင်းရင်းမြစ်များ

Matta 15:31

Tƹejjben yiwḏan nni wami ẓrin izeynunen ssawaȓen, inecrufen genfan, izeḥḥafen gguren, iḍarɣaȓen twaȓan. Kkaren ḥemḏen Arebbi n Ayṯ-Israʼil.

Matta 8:9

Uȓa ḏ nec s yixef inu ɣari yinni xafi iḥekkmen. Ɣari ȓƹaskar x ufus inu ḥekkmeɣ xasen. Aḏ iniɣ i yijjen: Ruḥ, aḏ iraḥ. Aḏ iniɣ i yijjen: Araḥ-d, aḏ d yas. Aḏ iniɣ i uxeddam inu: Egg ṯa, at igg."

Matta 9:33

Wami isufeɣ Ƹisa jjenn nni, ibḏa uzeynun nni issawaȓ. Qqimen tƹejjben ȓɣaci nni nnan: "Ƹemmarṣ ma iwqeƹ manaya ḏi ṯmurṯ n Ayṯ-Israʼil."

Marqus 1:26

Iserjijay-iṯ jjenn nni aƹeffan iƹeyyeḍ s yijjen n ṯmijja ṯemɣar iffeɣ zzayes.

Marqus 1:28

Ȓexddenni intacar ȓexbar nnes ḏi mkuȓ amcan ḏi jwayeh n Ljalil.

Marqus 10:24

Ḏehcen imeḥḍaren nnes x wawaȓ nni. Inna-asen Ƹisa ƹaweḏ: "A ṯarwa inu, mecḥaȓ iqseḥ aḏ yaḏef bnaḏem ȓmulk n Arebbi!

Marqus 10:32

Aqaṯen x ubriḏ tgaƹƹaḏen ɣar ṯendint n Lquds, Ƹisa aqaṯ zzaṯ. Imeḥḍaren nnes ḏehcen, yinni ṯ iḏfaren ggwḏen. Iruḥ yuwi ṯenƹac nni n imeḥḍaren nnes ṯwaȓa nneɣni waḥeḏsen, ibḏa issawaȓ akiḏsen x min ḏas ɣa iweqƹen inna:

Marqus 16:5

Uḏfent ɣar yifri n unḍeȓ nni ufint ijjen n uḥenjir iqqim x jjiheṯ ṯafusiṯ, igga arruḍ ḏ acemȓaȓ u qqiment ḏehhcent aṭṭas.

Marqus 16:6

Inna-asent: "War ḏehhcent ca! Kennint ṯrezzunt x Ƹisa Naṣiri itwaṣellben. Netta war ḏa iǧi ca, ikkar-d zi ȓmewṯ. Haqa amcan nnes mani tuɣa ṯ sersen.

Marqus 7:37

Tƹejjben aṭṭas nnan: "Marra min itegg ḏ aṣebḥan. Itarra ḥetta ḏ iḏehcuren tesȓan, ḥetta ḏ izeynunen ssawaȓen."

Luqa 4:36

Qqimen marra iwḏan nni ḏehhcen nnan i wayawya: "Min iƹna manaya? Itʼamar uȓa ḏ jnun iƹeffanen s yijjen n ssulṭa ḏ ṯzemmar niṯni teffɣen."

Luqa 9:1

Iȓaɣa-d Ƹisa x ṯenƹac n arrusul yuca-asen ṯizemmar ḏ ssulṭa aḏ ḥekmen x marra jnun u ƹaweḏ ḥima aḏ sgenfan ȓehȓacaṯ.

Ȓexḏayem 17:19

Uwin Bulus nedhen-ṯ ɣar lmajlis nsen umi qqaren Aryubagus nnan-as: "Nrezzu a nessen ttaƹlim-a n jḏiḏ iy zi ṯseȓmaḏeḏ cek.