Lwaḥi 9:4 - Ṯarifiṯ 2020

⁴ Nnan-asent war tḍeyyaƹent arbiƹ n ṯmurṯ uȓa ḏ min iǧan ḏ azeyza uȓa ḏ ȓcejjur, ɣir iwḏan nni iy war ɣar iǧi ca ṭṭabaƹ n Arebbi x ṯenyarṯ nsen.

Lwaḥi 9:4 ပူးပေါင်းရင်းမြစ်များ

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Ayṯ-Ufasus 4:30

War sxeyyaqem ca Arruḥ iqeddsen n Arebbi iƹni wenni iy zi ṯetwaḍebƹem i Nhar nni iy ɣa ṯnejjmem.

Lwaḥi 14:1

Wami xzareɣ, twaȓiɣ Izmar ibedd x uḏrar n Lquds akiḏes miyya u arbeƹa u arbeƹin aȓaf. Yura x ṯenyarṯ nsen isem n Yizmar ḏ yisem n Babas.

Lwaḥi 6:6

Ṯumma sȓiɣ amecnaw ijjen n ṯmijja ṯusa-d zi jjiheṯ n arbeƹa n lmexluqaṯ nni ṯeqqar: "Kilu n yirḏan iseggwa nhar ufeǧaḥ. Ƹaweḏ ṯȓaṯa n kilu n imendi iseggwa nhar ufeǧaḥ. Walakin zzect ḏ waman uḍiȓ war ṯen tḍeyyaƹ ca."

Lwaḥi 7:1

Menbaƹd i manaya ẓriɣ arbeƹa n lmalaʼikaṯ beddent x arbeƹa n ṯɣemmura n ṯmurṯ, ṭṭfent arriḥ x arbeƹa n jjihaṯ n ṯmurṯ ḥima war itṣuḍ ca x ȓbarr uȓa x ȓebḥar uȓa x ȓcejjur.

Lwaḥi 8:7

Ṯekkar lmalaʼika ṯamezwarut ṯṣuḍ ḏi zzammar nnes uca yusa-d icarra ḏ ṯmessi mxellṭen ak iḏammen menḍaren ɣar ṯmurṯ. Ṯecmeḍ tuluṯ n ṯmurṯ ḏ tuluṯ n ȓcejjur ḏ marra arbiƹ azeyza.