Lwaḥi 9:20 - Ṯarifiṯ 2020

²⁰ Walakin iwḏan ig inejmen zi lmuṣibaṯ-a war tuben ca s min ggin s ifassen nsen. Qqimen ƹaḏ ƹebbḏen ccayaṭin ḏ lʼaṣnam n ddheb ḏ nnuqarṯ ḏ nneḥḥas ḏ uzru ḏ ukeccuḍ iy war itwiȓin ca iy war itsȓin ca iy war igguren ca.

Lwaḥi 9:20 ပူးပေါင်းရင်းမြစ်များ

Matta 21:32

Ȓaḥeqqac yusa-d ɣarwem Yaḥya iseḍhar-awem-d abriḏ n ȓḥaqq, war zzayes ṯuminem ca. Walakin iƹeccaren ḏ ṯemɣarin iffɣen abriḏ umnen zzayes. Kenniw ṯeẓrim manayenni, walakin war tubem ca ḥima azzayes ṯamnem."

Ȓexḏayem 17:29

Cuf, neccin meȓa ḏ ṯarwa n Arebbi, itxeṣṣa-yaneɣ war netfekkir ca belli wenni yuƹȓan qa netta am ddheb niɣ am nnuqarṯ niɣ am uzru. Arebbi war iǧi ca ḏ lʼaṣnam ig itṣennaƹ bnaḏem s lfikra nnes ḏ ṯzemmar nnes.

Ȓexḏayem 19:26

Aqa twaȓam tesȓam Bulus-a isqenneƹ aṭṭas n yiwḏan ḏi ṯendint-a n Ufasus ƹȓayen uȓa ḏi marra lʼiqlim n Asya, isufuɣ-iṯen zeg ubriḏ nneɣ. Iqqar-aneɣ qa l'aṣnam-a itwaṣenƹen s ifassen qa war ǧin ca ḏ arebbiṯen.

Ȓexḏayem 7:41

Ḏi ȓiyyam nni ṣenƹen ijjen n lʼaṣnam x teṣwirṯ n uyenduz. Qeddmen-as dbiḥeṯ, farḥen aṭṭas x min ggin s ifassen nsen.

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

1 Timutawus 4:1

Fa iqqar Arruḥ iqeddsen nican bȓa ccekk ḏeg wussan-a ineggura aḏ semḥen ca n yiwḏan ḏi lʼiman nican aḏ ggen array i jnun iɣeddaren ḏ min seȓmaḏen ccayaṭin.

Lwaḥi 15:1

Ẓriɣ ijjen n lƹalama nneɣni ḏ ṯameqqrant ḏeg ujenna isḏehhacen, iƹni sebƹa n lmalaʼikaṯ ɣarsent sebƹa n lmuṣibaṯ ṯineggura, zzaysent iy ɣa itwakemmeȓ uɣḍab n Arebbi.

Lwaḥi 16:8

Ṯekkar lmalaʼika wis arbeƹa ṯzeǧeƹ ṯimejmarṯ nnes x ṯfuct itwasmeḥ-as i ṯfuct aḏ tsecmeḍ iwḏan s ṯmessi.

Lwaḥi 9:19

Jjheḏ n yiysan-a aqaṯ ḏeg uqemmum nsen ḏ iƹennaben nsen. Iƹennaben nsen tcabbahen ḏeg ifiɣeran, tḍarran s izeǧifen nsen.

Lwaḥi 9:21

War tuben ca wami nɣin iwḏan niɣ wami ggin ssḥur ḏ lfasad ḏ ṯukkarda.