Lwaḥi 9:17 - Ṯarifiṯ 2020

¹⁷ Ẓriɣ ḏi lwaḥi-ya inu iysan ḏ yinni xasen inyin, ɣarsen ṯijiliṯin n ȓeḥḏiḏ ḏ ṯizeggwaɣin am ṯmessi, ḏ ṯizeyzawin am lyaqut, ḏ ṯiwraɣin am ȓekbriyeṯ. Izeǧifen n yiysan-a am uzeǧif n ssbaƹ, teffeɣ-d zeg uqemmum nsen ṯmessi ḏ ddexxan ḏ ȓekbriyeṯ.

Lwaḥi 9:17 ပူးပေါင်းရင်းမြစ်များ

Lwaḥi 11:5

Meȓa can yijjen irzu aḏ iḍarr ȓechuḏ nni, ataf aḏ teffeɣ ṯmessi zeg uqemmum nsen aḏ tecc ȓƹaḏyan nsen. Meȓa can yijjen irzu aṯen iḍarr, amenni iy ɣa immeṯ.

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.

Lwaḥi 21:20

dsas wis xemsa ḏ jjazeƹ azeggwaɣ, dsas wis setta ḏ lƹaqiq azeggwaɣ, dsas wis sebƹa ḏ ṯazrut n zzabarjad, dsas wis ṯmenya ḏ ṯazrut n birril, dsas wis tesƹa ḏ lyaqut awraɣ, dsas wis ƹecra ḏ lƹaqiq amerbiƹ, dsas wis ḥiṭac ḏ ṯazrut n fayruz, dsas wis ṯenƹac ḏ ṯazrut n jjamact.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 9:18

Mmuṯen tuluṯ n yiwḏan s ṯraṯa n lmuṣibaṯ-a iƹni s ṯmessi ḏ ddexxan ḏ ȓekbriyeṯ iy d iteffɣen zeg uqemmum nsen.

Lwaḥi 9:9

Ṯijiliṯin nsent ggint am ṯjiliṯin n ȓeḥḏiḏ. Ssdaƹ n wafriwen nsent igga am ssdaƹ n waṭṭas n ikarruṯen n yiysan iy tazzȓen ɣar ȓḥarb.