Lwaḥi 9:1 - Ṯarifiṯ 2020

¹ Ṯekkar lmalaʼika wis xemsa ṯṣuḍ ḏi zzammar nnes uca ẓriɣ ijjen n yiṯri tuɣa iwḍa-d zeg ujenna x ṯmurṯ. Immuc-as i yiṯri nni ȓmeftaḥ n wanu nni itawin ɣar ȓaǧeɣ bȓa ȓaḥedd.

Lwaḥi 9:1 ပူးပေါင်းရင်းမြစ်များ

Luqa 10:18

Inna-asen Ƹisa: "Tuɣa twaȓiɣ Cciṭan iwḍa-d zeg ujenna mamc d iweṭṭa ȓbarq.

Luqa 8:31

Ḥeccmen-ṯ aṭṭas jnun nni ḥima war ṯen itsekki ca ɣar wanu bȓa ȓaḥedd.

Ayṯ-Ruma 10:7

Niɣ: Min iƹna wi ɣa ihwan ɣar ȓaǧeɣ bȓa ȓaḥedd (iƹni bac aḏ d yarr Lmasiḥ zeg yinni immuṯen)?

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 1:20

Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."

Lwaḥi 11:7

Xmi ɣa kemmȓen ȓexbar nsen iy zi ɣa cehḏen, aḏ d igaƹƹeḏ ȓwaḥc zi ȓaǧeɣ bȓa ȓaḥedd aṯen iḥareb, aṯen iɣȓeb, aḏ ineɣ ȓechuḏ nni.

Lwaḥi 17:8

Ȓwaḥc nni iy ṯeẓriḏ tuɣa iǧa, ȓexxu war iǧi ca, ƹȓayen aḏ d igaƹƹeḏ zi ȓaǧeɣ bȓa ȓaḥedd aḏ itwahḏem. Imezḏaɣ n ṯmurṯ xmi ɣa ẓren ȓwaḥc nni ataf aḏ dehcen iƹni kuȓ ijjen isem nnes war izemmem ca zeg wami ṯeǧa ddunect ḏi Lkitab n Ṯuḏarṯ. Ȓaḥeqqac ȓwaḥc nni tuɣa iǧa, ȓexxu war iǧi ca, ƹaḏ aḏ d yas.

Lwaḥi 20:1

Ẓriɣ ijjen n lmalak ihwa-d zeg ujenna ɣares ḏeg ufus nnes ȓmeftaḥ n ȓaǧeɣ bȓa ȓaḥedd ḏ yijjen n ssensȓeṯ ḏ ṯameqqrant.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.

Lwaḥi 6:13

Iṯran n ujenna weṭṭan-d ɣar ṯmurṯ amecnaw ṯazarṯ xmi ṯweṭṭa zi ṯcejjarṯ xmi t isenhezza arriḥ ijehḏen.

Lwaḥi 8:10

Ṯekkar lmalaʼika wis tȓaṯa ṯṣuḍ ḏi zzammar nnes uca iwḍa-d ijjen n yiṯri ḏ ameqqran zeg ujenna itceƹƹaȓ amecnaw asfeḍ. Iwḍa-d x tuluṯ n yiɣzran ḏ ȓaƹnaṣer n waman.

Lwaḥi 8:12

Ṯekkar lmalaʼika wis arbeƹa ṯṣuḍ ḏi zzammar nnes uca tuluṯ n ṯfucṯ ḏ ṯziri ḏ yiṯran twasenhezzen ḥima tuluṯ nni aḏ tiȓi ḏ ṯaǧesṯ, aḏ tenqes ijjen n tuluṯ n ṯfawṯ ḏi nhar uȓa ḏ ǧiȓeṯ.

Lwaḥi 8:2

Ẓriɣ sebƹa n lmalaʼikaṯ iy itbeddan zzaṯ i Arebbi, immuc-asent sebƹa n zzwammar.

Lwaḥi 9:2

Irzem anu nni itawin ɣar ȓaǧeɣ bȓa ȓaḥedd, yuȓi-d zzayes ddexxan amecnaw ddexxan n yijjen n ȓkuceṯ ḏ ṯameqqrant. Ddexxan n ȓaǧeɣ nni iɣeṭṭa ṯfucṯ ḏ ljuw.