Lwaḥi 6:4 - Ṯarifiṯ 2020

⁴ Ṯumma iffeɣ-d ijjen n uyis ḏ azeggwaɣ, wenni xas inyin ucin-as aḏ ikkes ssalam zi ṯmurṯ, aḏ nɣen yiwḏan ayawya. Ƹaweḏ ucin-as ijjen n ssif ḏ ameqqran.

Lwaḥi 6:4 ပူးပေါင်းရင်းမြစ်များ

Matta 10:34

War tfekkarem ca belli usiɣ-d aḏ ggeɣ ȓehna ḏi ddunect-a. War d usiɣ ca aḏ ggeɣ ȓehna; Lla, usiɣ-d aḏ ggeɣ amenɣi.

Matta 24:6

Xmi ɣa ṯesȓam x lḥurub ḏ ȓexbar n lḥurub war teggwḏem ca, labud zi manaya. Walakin ddunect-a ƹaḏ war ṯfenni ca.

Yuḥanna 19:11

Indeq-d Ƹisa inna-as: "War ɣarek bu jjheḏ xafi illa meȓa immuc-ac zi Arebbi. Ƹlaḥsab manaya, wenni iy ḏayi d yuwin ɣarec, ɣares ddnub ktar zzayek."

Lwaḥi 12:3

Ṯmeḍhar-d ḏeg ujenna ijjen n lƹalama nneɣni ṯegga am ddaynaṣur ḏ ameqqran ḏ azeggwaɣ ɣares sebƹa n izeǧifen ḏ ƹecra n waccawen, ḏ sebƹa n ttajaṯ x izeǧifen nnes.

Lwaḥi 13:10

Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.

Lwaḥi 17:3

Lmalak nni iysi-ayi arruḥ ɣar ȓexȓa, ẓriɣ ijjen n ṯemɣarṯ ṯenya x yijjen n ȓwaḥc ḏ azeggwaɣ iḥeḏqen iƹemmar s yisemawen war iḥȓin x Arebbi. Ɣares sebƹa n iqeyyuƹen ḏ ƹecra n waccawen.

Lwaḥi 17:6

Ẓriɣ ṯamɣarṯ nni ṯsekkar s iḏammen n ȓmuminin ṣṣaliḥin ḏ iḏammen n yinni icehhḏen x Ƹisa. Wami t ẓriɣ ḏehceɣ aṭṭas.