Lwaḥi 6:11 - Ṯarifiṯ 2020

¹¹ Ṯumma immuc-asen marra ij-ij, čammir ḏ acemȓaȓ itwanna-yasen ƹaḏ aḏ teṣbarem cwayt aȓ ɣa itwakemmeȓ lƹadad nican n ayṯmaṯwem iy ɣa itwanɣen amecnaw kenniw, iƹni yinni iy iƹebbḏen am kenniw.

Lwaḥi 6:11 ပူးပေါင်းရင်းမြစ်များ

Matta 10:21

Umas aḏ isellem umas i ȓmewṯ. Babas aḏ isellem mmis. Ṯarwa aḏ raḥen ḍed i lwalidin nsen, aṯen sellmen i yinni iy ṯen ɣa nɣen.

Luqa 15:22

Inna-asen babas i ixeddamen nnes: Ruḥem ḏeɣya awim-d čammir ḏ aṣebḥan arḍem-as-ṯ. Ggem-as ṯxaḏent ḏeg ufus nnes, ggem-as ṯisiȓa ḏeg iḍaren nnes.

Yuḥanna 16:2

Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

2 Ayṯ-Salunik 1:7

aḏawem yuc arraḥeṯ akiḏneɣ kenniw itwameḥḥanen. Manaya aḏ yiȓi xmi d ɣa imeḍhar Siḏiṯneɣ Ƹisa zeg ujenna ḏeg yijjen n ṯmessi ṯḥeddeq, akiḏes d meḍharent lmalaʼikaṯ nnes ijehḏen.

2 Timutawus 4:7

Amenɣi-ya aṣebḥan menɣeɣ-ṯ, ṯazzȓa-ya kemmȓeɣ-t, lʼiman ḥḍiɣ-ṯ.

Iƹibraniyen 11:40

Tuɣa Arebbi iḏebbar-aneɣ-d i neccin zi qbeȓ ijjen n ȓḥajeṯ ḥsen bac niṯni war tiwiḍen ca ɣar uneggaru iƹni aḏ iȓin kemȓen bȓa neccin.

Iƹibraniyen 12:23

Ṯqarrbem-d ɣar yinni itmunen ḏi ȓefraḥeṯ iƹni ɣar jmaƹeṯ n yinni ixḍar Arebbi iy d ixeȓqen ḏ imezwura isemawen nsen twazemmen ḏeg ujenna. Ṯqarrbem-d ɣar Arebbi wenni iǧan ḏ ȓqaḍi x marra iwḏan. Ṯqarrbem-d ɣar arruḥaṯ n ṣṣaliḥin yarri-ṯen Arebbi bȓa ȓƹib.

Iƹibraniyen 4:10

Liʼanna wenni yuḏfen ḏi arraḥeṯ n Arebbi aqa itreyyaḥ zi ȓxeḏmeṯ nnes mammec ireyyeḥ Arebbi zi ȓxeḏmeṯ nni nnes.

Lwaḥi 10:6

Ijjuǧ s wenni iddaren i ȓebda n ȓebdaṯ iƹni wenni iy d ixeȓqen ajenna ḏ min ḏayes ḏ ȓbarr ḏ ȓebḥar ḏ min ḏaysen. Uca inna: "Ṣafi, war ṯeqqim bu ȓweqṯ ƹaḏ ktar.

Lwaḥi 13:15

Itwasmeḥ-as aḏ igg buḥbeȓ ḏi lʼaṣnam-a itwaṣenƹen x ṣṣifeṯ n ȓwaḥc amezwaru ḥima aḏ issiweȓ aḏ ineɣ marra yinni war isejjḏen ca i lʼaṣnam-a am ȓwaḥc nni.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."

Lwaḥi 17:6

Ẓriɣ ṯamɣarṯ nni ṯsekkar s iḏammen n ȓmuminin ṣṣaliḥin ḏ iḏammen n yinni icehhḏen x Ƹisa. Wami t ẓriɣ ḏehceɣ aṭṭas.

Lwaḥi 7:14

Jawbeɣ-ṯ nniɣ-as: "Ḏ cek iy issnen a Siḏi." Inna-ayi: "Yina ḏ yinni inejmen zi ȓmiḥneṯ ṯameqqrant, ṣebbnen ičammiren nsen s iḏammen n Yizmar arrin-ṯen ḏ icemȓaȓen.

Lwaḥi 7:9

Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.