Lwaḥi 6:10 - Ṯarifiṯ 2020

¹⁰ Snekkaren ṯɣuyyeṯ s jjheḏ nnan: "Ya Mawlana ya wenni ƹaḍim iǧan ḏ ȓḥaqq, mecḥaȓ ɣa ṯekkeḏ war tḥisibeḏ imezḏaɣ n ddunect-a, aṯen ṯƹaqbeḏ x iḏammen nneɣ?"

Lwaḥi 6:10 ပူးပေါင်းရင်းမြစ်များ

Luqa 2:29

"Ya Mulana, ejj-ayi ȓƹabḏ nnec aḏ raḥeɣ ȓexxu ɣar ṯeddarṯ n ȓehna, amecnaw mamc ṯenniḏ cek s wawaȓ nnec.

Luqa 21:22

Aqa ȓiyyam nni ḏ ȓiyyam n uƹmuḏ, aḏaysen ikemmeȓ marra min yurin ḏi Lkutub n lʼanbiya.

Ayṯ-Ruma 12:19

Ay imƹizzen inu, war tentaqamem zi ḥadd, lƹiqab jjem-ṯ i Arebbi. Aqa Lkitab iqqar: <Ḏ nec ig itentaqamen, ḏ nec iy itxeǧasen, iqqar-it Siḏi Arebbi.>

Iƹibraniyen 12:24

Ṯqarrbem-d ɣar Ƹisa wenni itcafaƹen ḏayneɣ s yijjen n ȓƹaheḏ ḏ jḏiḏ. Ṯqarrbem-d kenniw ɣar iḏammen nnes itwaruccen iy qqaren ijjen n wawaȓ ḥsen zeg wenni n nnabi Habil.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

Lwaḥi 11:18

Ȓegnus ɣeḍben, yuweḍ-d uɣḍab nnec. Yuweḍ-d Nhar n Lḥisab ḏ Lƹiqab n yinni immuṯen. Aḏ tjaziḏ yinni ḏac ixeddmen iƹni lʼanbiya ḏ ȓmuminin nnec ṣṣaliḥin, ḏ yinni itweqqaren isem nnec s imezyanen ḏ imeqqranen. Aḏ teqḍiḏ x yinni isefsaḏen ṯamurṯ."

Lwaḥi 18:20

Ay ajenna, fareḥ x uhḏam nnes. Farḥem a ȓmuminin ṣṣaliḥin ḏ arrusul ḏ lʼanbiya! Aqa iḥaseb-it Arebbi x min ḏawem ṯegga."

Lwaḥi 18:24

Iwa ḏi ṯendint-a ig ufin iḏammen n lʼanbiya ḏ ȓmuminin ṣṣaliḥin ḏ marra yinni itwanɣen ḏi ṯmurṯ."

Lwaḥi 19:2

Ȓeḥkam nnes ḏ ȓḥaqq iǧa nican. Iḥaseb lfasda ṯameqqrant ig isefsaḏen ṯamurṯ s lfasad nnes, intaqem zzayes ƹlaḥsab iḏammen n yinni iƹebbḏen Arebbi."

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac: