Lwaḥi 5:9 - Ṯarifiṯ 2020

⁹ Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.

Lwaḥi 5:9 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Matta 26:28

Ȓkas-a ḏayes iḏammen n ȓƹaheḏ, iƹni ḏ iḏammen inu iy ɣa yazzȓen ƹlaḥsab aṭṭas n yiwḏan ḥima aḏasen iɣfar Arebbi ȓmuƹṣiyaṯ nsen.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

1 Ayṯ-Kurinṯ 6:20

minzi twasɣem kenniw s yijjen n ttaman. Falihaḏa, semɣareṯ Arebbi s ddat nwem.

1 Ayṯ-Kurinṯ 7:23

Ṣafi, isɣi-kenniw s yijjen n ttaman, war tarram ca ixef nwem ḏ isemɣan n bnaḏem.

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Ufasus 5:19

Siwȓem ag wayawya s wawaȓen n Zzabur ḏ lʼamdaḥ ḏ yizȓan ruḥiya. Ɣennjem, ggem lmusiqa i Siḏi Arebbi ḏeg wuȓawen nwem.

Ayṯ-Kulus 1:14

Zzayes netta isenjem-aneɣ iƹni iɣfar-aneɣ ȓmuƹṣiyaṯ nneɣ.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 11:14

Iwḏan iy ssawaȓen ammu iteḍhar-d belli rezzun x yijjen n ṯmurṯ aḏ tiȓi ḏ ṯamurṯ nsen.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

1 Yuḥanna 1:7

Walakin meȓa neggur ḏi nnur mammec iǧa netta ḏi nnur, ataf ntemƹacar ak wayawya ataf iḏammen n Mmis Ƹisa ssiṣfan-aneɣ zi marra ȓmuƹṣiyaṯ.

1 Yuḥanna 2:2

Ḏ netta ig iruḥen ḏ lfidya x ȓmuƹṣiyaṯ nneɣ u maci ɣir x ȓmuƹṣiyaṯ nneɣ waha, ḥetta uȓa ḏ ȓmuƹṣiyaṯ n ddunect-a amen-ṯekmaȓ.

Lwaḥi 10:11

Ȓexddenni itwanna-ayi: "U labud aḏ tessiwȓeḏ ƹaweḏ s min iwḥa Arebbi x waṭṭas n ccuƹub ḏ ȓegnus ḏ lluɣaṯ ḏ izeǧiḏen."

Lwaḥi 11:9

Iwḏan zi mkuȓ ccaƹb ḏ ȓqum ḏ lluɣa ḏ ȓgens aḏaysen xzaren ḏi ddat nsen ṯeȓtiyyam ḏ uzyen, war tejjin ḥadd aḏ inḍeȓ ȓechuḏ-a.

Lwaḥi 13:7

Itwasmeḥ-as aḏ iḥareb ȓmuminin ṣṣaliḥin, aṯen iɣȓeb. Ṯemmuc-as ssulṭa x kuȓ ȓqum ḏ ccaƹb ḏ lluɣa ḏ ȓgens.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 14:6

Ẓriɣ ijjen n lmalaʼika nneɣni ṯeṭṭaw ḏi ȓwesṭ n ujenna. Ɣares Lʼinjil war ifennin aḏ tbeccar zzayes imezḏaɣ n ṯmurṯ zi mkuȓ ȓgens ḏ ȓqum ḏ lluɣa ḏ ccaƹb.

Lwaḥi 15:3

Tɣennajen s yizȓi n Musa ȓƹabḏ n Arebbi ḏ yizȓi n Yizmar qqaren: "Ȓexḏayem nnec ḏ ṯimeqqranin isḏehhacen, A Siḏi Arebbi nneɣ i kuȓci iy izemmaren. Ibriḏen nnec ḏ ȓḥaqq ḏ nican ig iǧan, Ay azeǧiḏ n ȓegnus n yiwḏan.

Lwaḥi 17:15

Inna-ayi lmalak nni: "Aman nni iy ṯeẓriḏ mani ṯeqqim lfasda nni, niṯni min ƹnan? Niṯni ḏ iwḏan zi mkuȓ ccaƹb ḏ ȓɣaci ḏ ȓgens ḏ lluɣa.

Lwaḥi 4:11

"A Mawlana a Siḏi Arebbi nneɣ, ḏ cek iy isḏaheǧen lƹaḍama ḏ uweqqar ḏ jjheḏ, ȓaḥeqqac cek ṯxeȓqeḏ kuȓci, s ȓxaḍar nnec twaxeȓqen-d aqaṯen ǧan."

Lwaḥi 5:12

Qqarent s jjheḏ: "Izmar itwanɣen isḏaheǧ ṯizemmar ḏ wagȓa ḏ lḥikma ḏ jjheḏ ḏ uweqqar ḏ lƹaḍama ḏ lḥamed."

Lwaḥi 5:6

Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.