Lwaḥi 5:6 - Ṯarifiṯ 2020

⁶ Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.

Lwaḥi 5:6 ပူးပေါင်းရင်းမြစ်များ

Luqa 1:69

Ismeḍhar-aneɣ-d wenni ḏeg iǧa jjheḏ iy ḏaneɣ ɣa isnejmen, yusa-d zi ddurriṯ n Dawed ȓƹabḏ n Arebbi.

Yuḥanna 1:29

Ṯiwecca nnes Yaḥya itwaȓa Ƹisa iggur-d ɣares, inna: "Xzarzeṯ, ḏ win ḏ Izmar n Arebbi iy ɣa ikksen ȓmuƹṣiyeṯ x yiwḏan marra.

Yuḥanna 1:36

Wami yufa Ƹisa iƹḏu ssenni inna-asen: "Xzarem, ḏ win ḏ Izmar iy d issekk Arebbi."

Ȓexḏayem 8:32

Aqa lʼayaṯ nni iy iqqar uḥabaci ḏi Lkitab:

Lwaḥi 1:4

Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.

Lwaḥi 12:11

Ɣeȓben-ṯ ayṯmaṯneɣ s iḏammen n Yizmar ḏ chaḏeṯ nsen. Ṯuḏarṯ nsen war xasen ṯƹizz ca, wejḏen aḏ mmṯen.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 14:1

Wami xzareɣ, twaȓiɣ Izmar ibedd x uḏrar n Lquds akiḏes miyya u arbeƹa u arbeƹin aȓaf. Yura x ṯenyarṯ nsen isem n Yizmar ḏ yisem n Babas.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Lwaḥi 21:22

War ẓriɣ ca Ṯamziḏa ṯameqqrant ḏi ṯendint nni, mayemmi? Liʼanna Siḏi Arebbi ig izemmaren i kuȓci ak Yizmar niṯni ig iǧan ḏ Ṯamziḏa-ya ṯameqqrant.

Lwaḥi 21:23

Ṯandint-a war teḥḏiji ca ṯfawṯ n ṯfucṯ niɣ n ṯziri ȓaḥeqqac lƹaḍama n Arebbi nettaṯ iy iteggen ḏinni ṯfawṯ, Izmar ḏ netta ḏ ȓefnar nnes.

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 22:3

Zi ssenni aȓ ṯsawent war ḏinni tiȓi bu nnaƹȓeṯ. Lƹarc n Arebbi ḏ Yizmar aḏ yiȓi ḏi ṯendint-a, aṯ ƹebḏen lƹibad nnes.

Lwaḥi 4:8

Kuȓ ijjen zi lmexluqaṯ-a ɣares setta n wafriwen, kuȓ afriw iccur s ṯiṭṭawin x jjihetayen. Qqaren ǧiȓeṯ ḏ nhar bȓa ma aḏ bedden: "Mecḥaȓ ƹaḍim, ƹaḍim, ƹaḍim, Siḏi Arebbi izemmaren i kuȓci. Netta ḏ wenni iy tuɣa iǧan, ḏ wenni iy iǧan, ḏ wenni ƹaḏ iy d ɣa yasen."

Lwaḥi 5:11

Ṯumma xzareɣ, sȓiɣ i ṯmijja n waȓaf n uȓufaṯ ḏ milyun n milyunaṯ n lmalaʼikaṯ tennḍent-as-d i lƹarc ḏ lmexluqaṯ ḏ imɣaren.

Lwaḥi 5:12

Qqarent s jjheḏ: "Izmar itwanɣen isḏaheǧ ṯizemmar ḏ wagȓa ḏ lḥikma ḏ jjheḏ ḏ uweqqar ḏ lƹaḍama ḏ lḥamed."

Lwaḥi 5:13

Ṯumma sȓiɣ i kuȓ lmexluq iǧan ḏeg ujenna ḏ ṯmurṯ ḏ swadday i ṯmurṯ ḏ ȓebḥar ḏ marra min ḏaysen qqaren-asen i wenni iqqimen x lƹarc uȓa ḏ Yizmar: "Aɣarwem yiȓi lḥamed ḏ uweqqar ḏ lƹaḍama ḏ ȓeḥkam i ȓebda n ȓebdaṯ!"

Lwaḥi 5:14

Lmexluqaṯ nni s arbeƹa qqaren: "Amin!" Rekƹen imɣaren nni aḏ sejjḏen.

Lwaḥi 6:16

Niṯni qqaren i iḏurar ḏ yizra: "Wḍam-d xaneɣ, snuffarem-aneɣ zeg wuḏem n wenni iqqimen x lƹarc ḏ lƹiqab iy ɣa igg Yizmar.