Lwaḥi 4:8 - Ṯarifiṯ 2020

⁸ Kuȓ ijjen zi lmexluqaṯ-a ɣares setta n wafriwen, kuȓ afriw iccur s ṯiṭṭawin x jjihetayen. Qqaren ǧiȓeṯ ḏ nhar bȓa ma aḏ bedden: "Mecḥaȓ ƹaḍim, ƹaḍim, ƹaḍim, Siḏi Arebbi izemmaren i kuȓci. Netta ḏ wenni iy tuɣa iǧan, ḏ wenni iy iǧan, ḏ wenni ƹaḏ iy d ɣa yasen."

Lwaḥi 4:8 ပူးပေါင်းရင်းမြစ်များ

Ȓexḏayem 20:31

Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

2 Ayṯ-Kurinṯ 6:18

aḏ iȓiɣ ḏ babaṯwem, kenniw aḏ tiȓim ḏ ṯarwa inu ḏ yissi inu. Amenni iqqar Arebbi izemmaren i kuȓci.>

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

1 Timutawus 4:16

Xzar ḏi ṯuḏarṯ nnec ḏ ṯmesȓayin iy ṯseȓmaḏeḏ, arni ḏaysent. Liʼanna meȓa ṯeggiḏ manaya aḏ tesnejmeḏ ixef nnec ḏ yinni iy ḏac itsȓan.

2 Timutawus 4:2

Beccar awaȓ n Arebbi, sewjeḏ ixef nnec aḏ tbeccareḏ ḏi ȓweqṯ nni iy trajiḏ niɣ ḏi ȓweqṯ nni iy war trijiḏ ca. Ȓmuminin nha-ṯen, ƹȓem-asen, cejjeƹ-iṯen s marra ttasiƹ n ȓxaḍar ḏ useȓmeḏ.

Iƹibraniyen 13:8

Ƹisa Lmasiḥ netta ḏ ijjen, amecnaw iḍennaṭ amecnaw nhara amecnaw i ȓebda.

Lwaḥi 1:4

Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.

Lwaḥi 1:8

Iqqar Siḏi Arebbi: "Nec ḏ lʼalif nec ḏ lyaʼ. Nec ḏ wenni ig iǧan, tuɣa ǧiɣ, ƹaḏ aḏ d aseɣ, zemmareɣ i kuȓci."

Lwaḥi 11:17

qqaren: "Netcekkar-icek a Siḏi Arebbi ig izemmaren i kuȓci, cek ig iǧan, cek iy tuɣa iǧan, ȓaḥeqqac ṯesxeḏmeḏ jjheḏ nnec, ṯebḏiḏ tḥekkmeḏ.

Lwaḥi 14:11

Ddexxan n ȓaƹḏab nsen itgaƹƹaḏ i ȓebda n ȓebdaṯ. Yinni isejjḏen i ȓwaḥc ḏ lʼaṣnam nnes qebȓen ƹaweḏ ṭṭabaƹ n yisem nnes ataf war ɣarsen itiȓi bu arraḥeṯ s ǧiȓeṯ niɣ ḏ nhar."

Lwaḥi 14:3

Tɣennajen ijjen n yizȓi ḏ jḏiḏ zzaṯ i lƹarc ḏ arbeƹa nni n lmexluqaṯ ḏ imɣaren. War izemmar uȓa ḏ ijjen aḏ iȓmeḏ izȓi nni illa ḏ miyya u arbeƹa u arbeƹin aȓaf nni iy itwasnejmen zi ddunect-a.

Lwaḥi 15:3

Tɣennajen s yizȓi n Musa ȓƹabḏ n Arebbi ḏ yizȓi n Yizmar qqaren: "Ȓexḏayem nnec ḏ ṯimeqqranin isḏehhacen, A Siḏi Arebbi nneɣ i kuȓci iy izemmaren. Ibriḏen nnec ḏ ȓḥaqq ḏ nican ig iǧan, Ay azeǧiḏ n ȓegnus n yiwḏan.

Lwaḥi 15:7

Ijjen zi arbeƹa n lmexluqaṯ yuca-asent i sebƹa nni n lmalaʼikaṯ sebƹa n ṯmejmarin ggin-ṯent s ddheb, ƹemmarent s uɣḍab n Arebbi iddaren i ȓebda n ȓebdaṯ.

Lwaḥi 16:14

Yina ḏ arruḥaṯ n ccayaṭin teggen lmuƹjizaṯ zaƹma. Traḥen ɣar izeǧiḏen n ṯmurṯ marra ḥima aṯen smunen i ȓḥarb ḏi Nhar nni ameqqran n Arebbi ig izemmaren i kuȓci.

Lwaḥi 16:7

Sȓiɣ i yijjen n ṣṣut iqqar-d zi ȓmeḏbaḥ: "Wah a Siḏi Arebbi nneɣ ig izemmaren i kuȓci, ȓeḥkamaṯ nnec ḏ ȓḥaqq, aqaṯent nican."

Lwaḥi 19:15

Iteffeɣ-d zeg uqemmum nnes ijjen n ssif iqḍeƹ, azzayes yuweṯ ȓegnus. Netta aṯen yarwes s uƹekkaz n ȓeḥḏiḏ, axasen iƹeffes ḏi ṯsirṯ n waman n uḍiȓ iƹni ḏ lƹiqab ameqqran n Arebbi ig izemmaren i kuȓci.

Lwaḥi 19:4

Arbeƹa u ƹicrin n imɣaren ḏ arbeƹa n lmexluqaṯ sejjḏen i Arebbi iqqimen x lƹarc, qqaren: "Amin! Ḥemḏeṯ Arebbi!"

Lwaḥi 21:22

War ẓriɣ ca Ṯamziḏa ṯameqqrant ḏi ṯendint nni, mayemmi? Liʼanna Siḏi Arebbi ig izemmaren i kuȓci ak Yizmar niṯni ig iǧan ḏ Ṯamziḏa-ya ṯameqqrant.

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac:

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.

Lwaḥi 4:6

Zzaṯ i lƹarc ḏinni am ȓebḥar n jjaj iṣfa aṭṭas. Ḏinni arbeƹa n lmexluqaṯ iddaren ḏi ȓwesṭ, nnḍen-as-d i lƹarc ɣarsen ṯiṭṭawin ɣar zzaṯ ḏ ḏeffar.

Lwaḥi 4:9

Lmexluqaṯ-a meȓmi ma semɣaren tweqqaren ḥemmḏen-as i wenni iqqimen x lƹarc ig iddaren i ȓebda n ȓebdaṯ,

Lwaḥi 5:6

Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.

Lwaḥi 6:1

Ṯumma ẓriɣ Izmar nni wami irzem ijjen zi sebƹa n icemmaƹen nni, sȓiɣ i yijjen zi arbeƹa nni n lmexluqaṯ iqqar s jjheḏ am wajjaj: "Araḥ-d!"

Lwaḥi 6:6

Ṯumma sȓiɣ amecnaw ijjen n ṯmijja ṯusa-d zi jjiheṯ n arbeƹa n lmexluqaṯ nni ṯeqqar: "Kilu n yirḏan iseggwa nhar ufeǧaḥ. Ƹaweḏ ṯȓaṯa n kilu n imendi iseggwa nhar ufeǧaḥ. Walakin zzect ḏ waman uḍiȓ war ṯen tḍeyyaƹ ca."

Lwaḥi 7:11

Marra lmalaʼikaṯ beddent nnḍent-id i lƹarc ḏ imɣaren ḏ arbeƹa n lmexluqaṯ nni. Hwant x uɣembub nsent zzaṯ i lƹarc sejjḏent i Arebbi.

Lwaḥi 7:15

S manaya aqaṯen zzaṯ i lƹarc n Arebbi, ƹebbḏen-ṯ ǧiȓeṯ ḏ nhar ḏi ṯemziḏa ṯameqqrant nnes. Wenni iqqimen x lƹarc aṯen iḥḍa.