Lwaḥi 4:6 - Ṯarifiṯ 2020

⁶ Zzaṯ i lƹarc ḏinni am ȓebḥar n jjaj iṣfa aṭṭas. Ḏinni arbeƹa n lmexluqaṯ iddaren ḏi ȓwesṭ, nnḍen-as-d i lƹarc ɣarsen ṯiṭṭawin ɣar zzaṯ ḏ ḏeffar.

Lwaḥi 4:6 ပူးပေါင်းရင်းမြစ်များ

Lwaḥi 14:3

Tɣennajen ijjen n yizȓi ḏ jḏiḏ zzaṯ i lƹarc ḏ arbeƹa nni n lmexluqaṯ ḏ imɣaren. War izemmar uȓa ḏ ijjen aḏ iȓmeḏ izȓi nni illa ḏ miyya u arbeƹa u arbeƹin aȓaf nni iy itwasnejmen zi ddunect-a.

Lwaḥi 15:2

Ẓriɣ ƹaweḏ amecnaw ȓebḥar n jjaj ixelleṭ ak ṯmessi, bedden xas yinni iɣeȓben ȓwaḥc ḏ lʼaṣnam nnes ḏ rraqem n yisem nnes. Kuȓ ijjen zzaysen ikessi ijjen n ṯgambrit n Arebbi.

Lwaḥi 15:7

Ijjen zi arbeƹa n lmexluqaṯ yuca-asent i sebƹa nni n lmalaʼikaṯ sebƹa n ṯmejmarin ggin-ṯent s ddheb, ƹemmarent s uɣḍab n Arebbi iddaren i ȓebda n ȓebdaṯ.

Lwaḥi 19:4

Arbeƹa u ƹicrin n imɣaren ḏ arbeƹa n lmexluqaṯ sejjḏen i Arebbi iqqimen x lƹarc, qqaren: "Amin! Ḥemḏeṯ Arebbi!"

Lwaḥi 21:11

Ḏayes lƹaḍama n Arebbi, nnur nnes amecnaw ṯazrut ṯaṣebḥant, amecnaw ṯazrut n lyaceb ṯeṣfa aṭṭas.

Lwaḥi 21:18

Ȓḥiḍ nnes ibna s ṯezra n lyaceb, ṯandint ṯebna s ddheb iṣfan amecnaw jjaj iṣfan.

Lwaḥi 21:21

Ṯenƹac nni n ṯewwura niṯenti ḏ ṯenƹac n jjuwharaṯ, kuȓ ṯawwarṯ nettaṯ ḏ jjuwhar. Ccariƹ n ṯendint netta ḏ ddheb iṣfan amecnaw jjaj iṣfan.

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.

Lwaḥi 5:11

Ṯumma xzareɣ, sȓiɣ i ṯmijja n waȓaf n uȓufaṯ ḏ milyun n milyunaṯ n lmalaʼikaṯ tennḍent-as-d i lƹarc ḏ lmexluqaṯ ḏ imɣaren.

Lwaḥi 5:14

Lmexluqaṯ nni s arbeƹa qqaren: "Amin!" Rekƹen imɣaren nni aḏ sejjḏen.

Lwaḥi 5:6

Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.

Lwaḥi 5:8

Wami iysi Lkitab-a, lmexluqaṯ nni s arbeƹa ḏ arbeƹa u ƹicrin n imɣaren nni sejjḏen-as i Yizmar. Mkuȓ ijjen zzaysen ɣares ṯgambrit ɣares ṯimejmarin ggin-ṯent s ddheb ƹemmarent s tbaxur, iƹni ḏ ṯẓaǧiṯ n ȓmuminin ṣṣaliḥin.

Lwaḥi 6:1

Ṯumma ẓriɣ Izmar nni wami irzem ijjen zi sebƹa n icemmaƹen nni, sȓiɣ i yijjen zi arbeƹa nni n lmexluqaṯ iqqar s jjheḏ am wajjaj: "Araḥ-d!"

Lwaḥi 6:6

Ṯumma sȓiɣ amecnaw ijjen n ṯmijja ṯusa-d zi jjiheṯ n arbeƹa n lmexluqaṯ nni ṯeqqar: "Kilu n yirḏan iseggwa nhar ufeǧaḥ. Ƹaweḏ ṯȓaṯa n kilu n imendi iseggwa nhar ufeǧaḥ. Walakin zzect ḏ waman uḍiȓ war ṯen tḍeyyaƹ ca."

Lwaḥi 7:11

Marra lmalaʼikaṯ beddent nnḍent-id i lƹarc ḏ imɣaren ḏ arbeƹa n lmexluqaṯ nni. Hwant x uɣembub nsent zzaṯ i lƹarc sejjḏent i Arebbi.

Lwaḥi 7:17

Ȓaḥeqqac Izmar iy iǧan ḏi ȓwesṭ n lƹarc aṯen yarwes, aṯen yawi akiḏes ɣar mani ǧan ȓaƹnaṣer n waman n ṯuḏarṯ. Arebbi aḏ imseḥ kuȓ ameṭṭaw zi ṯiṭṭawin nsen."