Lwaḥi 4:1 - Ṯarifiṯ 2020

¹ Menbaƹd i manaya ẓriɣ ijjen n ṯewwarṯ ṯnurzem ḏeg ujenna, sȓiɣ i ṯmijja nni iy ɣari d issiwȓen zi qbeȓ ṣṣut nnes igga am zzammar, ṯenna-ayi-d: "Gaƹƹeḏ-d ḏanita aḏac d smeḍhareɣ min labud ɣa iweqƹen menbaƹd i manaya."

Lwaḥi 4:1 ပူးပေါင်းရင်းမြစ်များ

Matta 3:16

Wami itwaṭehhar Ƹisa iffeɣ-d ȓexddenni zeg waman nni. Aqa inurzem-as-d ujenna iẓra Arruḥ n Arebbi ihewwa-d igga am yijjen n ṯeḏbirṯ ṯmars-d xas.

Marqus 1:10

Wami d yuȓi zeg waman, ȓexddenni iẓra ajenna inurzem, ḏ Arruḥ n Arebbi ihewwa-d xas igga am yijjen n ṯeḏbirṯ.

Luqa 3:21

Wami marra ccaƹb ittwaṭehhar s waman, yusa-d uȓa ḏ Ƹisa itwaṭehhar s waman. Netta wami itẓaǧa, ṯnurzem ṯewwarṯ ḏeg ujenna

Yuḥanna 16:13

Xmi d ɣa yas Arruḥ n lḥaqiqa, ataf aḏawem d isbeyyen lḥaqiqa ṯekmaȓ. Aqa netta war issiwiȓ ca zeg yixef nnes, issawaȓ illa zi min ḏas ɣa yini Arebbi. Aḏawem ixebbar ḏi ṯmesȓayin iy d ɣa yasen.

Ȓexḏayem 10:11

Iẓra ajenna inurzem shewwan-d zzayes ɣar ṯmurṯ ijjen n ȓḥajeṯ ṯegga am ṯcuqqet ḏ ṯameqqrant twacedd zi ṯɣemmura nnes s arbeƹa.

Ȓexḏayem 7:56

Inna: "Aqa twaȓiɣ ajenna inurzem ḏ Mmis n bnaḏem ibedd x ufusi n Arebbi."

Lwaḥi 1:10

Ḏi nhar n Siḏiṯneɣ tuɣa ihwa-d xafi Arruḥ n Arebbi, sȓiɣ ɣar ḏeffar inu ijjen n ṯmijja ṯemɣar ṣṣut nnes igga am zzammar.

Lwaḥi 1:12

Nqeȓbeɣ aḏ xzareɣ ɣar ṯmijja nni iy kiḏi d issawaȓen. Wami nqeȓbeɣ ufiɣ sebƹa n ȓeqnaḏeȓ n ddheb.

Lwaḥi 1:19

Ari min ṯeẓriḏ, ḏ min itewqiƹen ȓexxu, ḏ min ɣa iweqƹen ssa aȓ ṯsawent.

Lwaḥi 11:12

Sȓin i yijjen n ṯmijja ṯejheḏ tȓaɣa-d xasen zeg ujenna ṯeqqar-asen: "Gaƹƹḏem-d ḏanita!" Ȓechuḏ nni gaƹƹḏen ɣar ujenna ḏeg useynu, ȓƹaḏyan nsen xzaren ḏaysen.

Lwaḥi 11:19

Ṯnurzem ṯemziḏa ṯameqqrant n Arebbi ḏeg ujenna, imeḍhar-d tabut n ȓƹaheḏ n Arebbi ḏi ṯemziḏa nni. Iwqeƹ wassam ḏ iɣuyan ḏ wajjaj ḏ zzinzal ḏ icarra aṭṭas.

Lwaḥi 16:17

Ṯekkar lmalaʼika wis sebƹa ṯzeǧeƹ ṯimejmarṯ nnes ḏi lhawa sȓiɣ i yijjen n ṯmijja zi ṯemziḏa ṯameqqrant iy d ikkin zi lƹarc ṯeqqar s jjheḏ: "Ṣafi, itwakemmeȓ!"

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.

Lwaḥi 22:6

Inna-ayi lmalak wenni: "Awaȓen-a ḏaysen ȓaman ḏaysen ȓḥaqq. Arebbi netta ḏ Mawlana iy d isehwan lwaḥi x lʼanbiya, issekk-d lmalak nnes ḥima aḏ d ismeḍhar i yinni iy ṯ iƹebbḏen min labud ɣa iweqƹen ƹȓayen."