Lwaḥi 3:8 - Ṯarifiṯ 2020

⁸ Nec ssneɣ ȓexḏayem nnec. Aqa ggiɣ zzaṯec ijjen n ṯewwarṯ ṯnurzem war izemmar ḥadd at ibelleƹ. Waxxa jjheḏ nnec ḏ uqlil, ṯeggiḏ array i wawaȓ inu war ṯenkareḏ ca isem inu.

Lwaḥi 3:8 ပူးပေါင်းရင်းမြစ်များ

Luqa 12:9

Wenni ḏayi ɣa inkaren zzaṯ i yiwḏan, ataf aḏ itwankar zzaṯ i lmalaʼikaṯ n Arebbi.

Yuḥanna 15:20

Fekkareṯ ḏeg wawaȓ iy ḏawem nniɣ iƹni axeddam war iǧi ca ḏ ameqqran zeg uweqqaf nnes. Meȓa ƹeddben-ayi, ataf akenniw ƹeddben. Meȓa sȓin i wawaȓ inu, ataf aḏ sȓen ƹaweḏ i wawaȓ nwem.

Yuḥanna 17:6

Sbeyyneɣ-d isem nnec i imeḥḍaren-a iy ḏayi ṯuciḏ zi ddunect-a. Cek ṯeǧiḏ ḏ bab nsen qbeȓ, ṯuciḏ-ayi-ṯen qa ṭaƹen i wawaȓ nnec.

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

1 Ayṯ-Kurinṯ 16:9

Aqa ṯnurzem-ayi-d ijjen n ṯewwarṯ ḏ ṯameqqrant i ȓxeḏmeṯ walakin yinni ig itƹarraḍen aqaṯen mujudin.

2 Ayṯ-Kurinṯ 2:12

Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

Ayṯ-Filippas 4:13

Qaƹ ṯimesȓayin zemmareɣ-asent s wenni iy ḏayi iticcen jjheḏ.

Ayṯ-Kulus 4:3

Ḏi nnefs n ȓweqṯ ttarem-as i Arebbi xaneɣ bac aḏ irzem ṯawwarṯ i wawaȓ nneɣ a nbeccar s ȓmaƹna inuffaren n Lmasiḥ iy xef iy ǧiɣ nec ḏi ȓeḥbes.

1 Timutawus 5:8

Cuf, wenni war itḏebbiren x ȓeḥbab nnes xaṣṣatan x lƹaʼila nnes ataf netta inkar lʼiman, wenni war yuminen qaƹ ataf ḥsen zzayes.

2 Timutawus 4:7

Amenɣi-ya aṣebḥan menɣeɣ-ṯ, ṯazzȓa-ya kemmȓeɣ-t, lʼiman ḥḍiɣ-ṯ.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 2:2

Nec ssneɣ ȓexḏayem nnec ḏ tamara nnec ḏ ṣṣbar nnec. Ssneɣ war ṯqebbȓeḏ ca yinni iǧan ḏ iƹeffanan, ṯjarrbeḏ yinni iqqaren qa neccin ḏ arrusul ṯufiḏ-ṯen sxerriqen waha.

Lwaḥi 22:7

"Nec aqa usiɣ-d war tƹeṭṭaȓeɣ ca! Ssaƹḏ n yinni iteggen array i wawaȓen n lwaḥi iǧan ḏi Lkitab-a."

Lwaḥi 3:1

Ari-yas i lmalaʼika n jmaƹṯ n ȓmuminin iy iǧan ḏi ṯendint n Sardis, ini-yas qa wenni ɣar ǧan sebƹa n arruḥaṯ n Arebbi ḏ sebƹa n yiṯran, iqqar-ac: Nec ssneɣ ȓexḏayem nnec. Qqaren qa cek ṯeddareḏ walakin lla cek ṯemmuṯeḏ.

Lwaḥi 3:10

Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.

Lwaḥi 3:15

Nec ssneɣ ȓexḏayem nnec, cek war ṯesmiḍeḏ war ṯeḥmiḏ. Tmenniɣ cek aḏ tsemḍeḏ niɣ aḏ teḥmiḏ!

Lwaḥi 3:7

Ari-yas i lmalaʼika n jmaƹṯ n ȓmuminin iy iǧan ḏi ṯendint n Filadalfya, ini-yas qa wenni imqeddsen ḏ ȓḥaqq, ɣares ȓmeftaḥ n Dawed; meȓa irzem ataf war ṯ itbelliƹ ḥadd; meȓa ibelleƹ ataf war ṯ irezzem ḥadd, iqqar-ac: