Lwaḥi 3:20 - Ṯarifiṯ 2020

²⁰ Qa nec beddeɣ zzaṯ i ṯewwarṯ sqerqubeɣ. Meȓa isȓa can yijjen i ṯmijja inu qa aḏ irzem ṯawwarṯ, ataf aɣares aḏfeɣ akiḏes cceɣ akiḏi icc.

Lwaḥi 3:20 ပူးပေါင်းရင်းမြစ်များ

Matta 24:33

Amenni uȓa ḏ kenniw. Xmi ɣa ṯeẓrem marra ṯimesȓayin-a itewqiƹen ataf aḏ tessnem illa manaya yuḏes-d, aqaṯ zzaṯ i ṯewwarṯ.

Luqa 17:8

Lla, aḏas ṯiniḏ sewjeḏ-ayi-d min ɣa cceɣ. Geffeḍ, sexxar xafi aȓ ɣa cceɣ aḏ sweɣ. Ƹaḏ ȓexddenni iy ɣa ṯecceḏ cek aḏ tesweḏ.

Yuḥanna 10:3

Aƹessas n ȓkuri aḏas irzem ṯawwarṯ i wenni iy yarewwsen, iḥuȓiyen nnes tesȓan i ṣṣut nnes. Itȓaɣa x iḥuȓiyen nnes s yisemawen nsen, aṯen isufeɣ.

Yaƹqub 5:9

Ay ayṯma, war ssawaȓeṯ ca ḏeg wayawya ḥima war twaƹiqibem ca; qa wenni iteḥkamen ibedd-d ɣar ṯewwarṯ.

Lwaḥi 19:9

Inna-ayi lmalak wenni: "Ari manaya: Ssaƹḏ n yinni itwaƹarḍen ɣar umensi n ȓfarḥ n Yizmar!" Inna-ayi ƹaweḏ: "Awaȓen-a ǧan ḏ ṣṣaḥ zi Arebbi."