Lwaḥi 3:18 - Ṯarifiṯ 2020

¹⁸ Qa nec neṣṣḥeɣ-cek axafi ṯesɣeḏ ddheb itwaṣfan s ṯmessi ḥima aḏ tdewȓeḏ ḏ ttajar. Seɣ ƹaweḏ arruḍ ḏ acemȓaȓ ḥima aḏ tesarḍeḏ ixef nnec zi ṯuƹaryant nnec ƹaweḏ ḏ can ddwa ḥima aḏ tesgenfiḏ ṯiṭṭawin nnec ataf twaȓiḏ.

Lwaḥi 3:18 ပူးပေါင်းရင်းမြစ်များ

Matta 13:44

Ȓmulk ujenna amecnaw ijjen n ȓkenz ixzen ḏi can umarjeƹ, yufi-ṯ can ḥadd iƹaweḏ isnuffar-iṯ. Uca s ȓefraḥeṯ nni iy ḏayes, izzenz marra min ɣares isɣa amarjeƹ nni.

Matta 25:9

Arrint xasent ṯimiɣisin nnant-asent: Lla, minzi war ḏaneɣ itqeddi ca i neccin ḏ kennint. Ruḥent ɣar ṯḥanet sɣent-id min ɣa ṯeḥḏajent.

Luqa 12:21

Amenni iy ɣa yiȓi wenni ijemmƹen agȓa i yixef nnes waha war ijemmeƹ ca i Arebbi."

2 Ayṯ-Kurinṯ 5:3

Xmi ɣa neɣmes zzayes, ataf war ḏaneɣ tifen ca ḏ iƹaryanen.

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

1 Timutawus 6:18

Tweṣṣa-ṯen aḏ ggen ȓxir aḏ iȓin ḏ twajar ƹlaḥsab lḥasanaṯ aḏ iȓin ṣaxiyin aḏ iȓin wejḏen bac aḏ ṣeddqen aḏ ḏebbaren.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

1 Buṭrus 1:7

Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.

Lwaḥi 16:15

("Ṣennṭeṯ, qa nec aḏ d aseɣ am d yusa ij uceffar. Ssaƹḏ n wenni iy ɣa yiȓin ƹlabal aḏ iḥḍa arruḍ nnes ḥima war iggur ca ḏ aƹeryan aḏ ẓren yiwḏan ṯuƹaryant nnes.")

Lwaḥi 19:8

Immuc-as axas ṯegg ȓkettan n lulan aṣebḥan, ireqq, iṣfa." (Ȓkettan n lulan aṣebḥan iƹni netta ḏ ȓexḏayem ig iǧan nican n ȓmuminin ṣṣaliḥin.)

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

Lwaḥi 3:17

Cek ṯeqqareḏ zaƹma qa nec ḏ ijjen n ttajar ggiɣ aṭṭas n wagȓa war ḥḏijeɣ walu. Iwa war ṯessineḏ ca qa cek ḏ amqeṭṭaƹ ḏ ameɣbun, ḏ imesƹi, ḏ aḏarɣaȓ, ḏ aƹeryan.

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.

Lwaḥi 7:13

Inna-ayi yijjen zeg imɣaren-a: "Ma ṯessneḏ yiwḏan-a iy ggin čammir ḏ acemȓaȓ min ƹnan ḏ manis d usin?"