Lwaḥi 3:11 - Ṯarifiṯ 2020

¹¹ Aqa usiɣ-d, war tƹeṭṭaȓeɣ ca. Ṭṭef ḏi lʼiman nnec ḥima war d itis ḥadd ac iysi ttaj nnec.

Lwaḥi 3:11 ပူးပေါင်းရင်းမြစ်များ

1 Ayṯ-Kurinṯ 9:25

Marra yinni itemƹanaḏen ḏi lmelƹab ḥekkmen x ddat nsen ḏi marra ṯimesȓayin-a. Teggen manaya bac aḏ d awin ijjen n ttaj war ḏasen itdumi ca. Walakin neccin ntegg manaya bac a d nawi ijjen n ttaj itduman i ȓebda.

Ayṯ-Filippas 4:5

Itxeṣṣa aḏ d imeḍhar ṣṣbar nwem i marra iwḏan, aqa Siḏiṯneɣ yuḏes-d.

2 Timutawus 2:5

Amenni ƹaweḏ wenni itemƹanaḏen ḏi lmelƹab; Meȓa war itemƹanaḏ ca ƹlaḥsab lqanun war irebbeḥ ca ljaʼiza.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Yaƹqub 5:9

Ay ayṯma, war ssawaȓeṯ ca ḏeg wayawya ḥima war twaƹiqibem ca; qa wenni iteḥkamen ibedd-d ɣar ṯewwarṯ.

Lwaḥi 1:3

Ssaƹḏ n wenni iy ɣa iɣaren awaȓen n lwaḥi-ya. Ssaƹḏ n yinni ƹaweḏ iy ɣa iṣennṭen i min yurin ḏi Lkitab-a azzayes ggen array ȓaḥeqqac ȓweqṯ ṯqarreb-d.

Lwaḥi 16:15

("Ṣennṭeṯ, qa nec aḏ d aseɣ am d yusa ij uceffar. Ssaƹḏ n wenni iy ɣa yiȓin ƹlabal aḏ iḥḍa arruḍ nnes ḥima war iggur ca ḏ aƹeryan aḏ ẓren yiwḏan ṯuƹaryant nnes.")

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 2:25

Innama, lʼiman nwem ṭṭfem ḏayes mliḥ waha aȓ d ɣa aseɣ.

Lwaḥi 22:12

Inna Ƹisa: "Nec aqa usiɣ-d war tƹeṭṭaȓeɣ ca! Aḏ d awiɣ texȓiseṯ, aḏ jaziɣ kuȓ ijjen ƹlaḥsab ȓexḏayem nnes.

Lwaḥi 22:20

Iqqar Ƹisa iƹni wenni ixebbaren x ṯmesȓayin-a: "Wah, nec aqa usiɣ-d war tƹeṭṭaȓeɣ ca!" Amin, araḥ-d a Siḏiṯneɣ Ƹisa.

Lwaḥi 22:7

"Nec aqa usiɣ-d war tƹeṭṭaȓeɣ ca! Ssaƹḏ n yinni iteggen array i wawaȓen n lwaḥi iǧan ḏi Lkitab-a."

Lwaḥi 3:3

Ƹqeȓ x ttaƹlim iy ṯqebȓeḏ wami ḏas ṯesȓiḏ. Xḏem zzayes, tub. Meȓa war ṯeǧiḏ ca ƹlabal, nec aɣarek d aseɣ am yij uceffar war ṯessineḏ ca man ṯsaƹƹat iy d ɣa aseɣ.

Lwaḥi 4:10

ssenni ƹaweḏ arbeƹa u ƹicrin nni n imɣaren trekkaƹen-as i wenni iqqimen x lƹarc, tsejjaḏen-as i wenni iddaren i ȓebda n ȓebdaṯ. Kuȓ ijjen zzaysen ineṭṭar ttaj nnes zzaṯ i lƹarc iqqar:

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.