Lwaḥi 3:1 - Ṯarifiṯ 2020

¹ Ari-yas i lmalaʼika n jmaƹṯ n ȓmuminin iy iǧan ḏi ṯendint n Sardis, ini-yas qa wenni ɣar ǧan sebƹa n arruḥaṯ n Arebbi ḏ sebƹa n yiṯran, iqqar-ac: Nec ssneɣ ȓexḏayem nnec. Qqaren qa cek ṯeddareḏ walakin lla cek ṯemmuṯeḏ.

Lwaḥi 3:1 ပူးပေါင်းရင်းမြစ်များ

Luqa 15:32

Ȓexxu itxeṣṣa-aneɣ a nfareḥ a nezhu aṭṭas minzi umac tuɣa immuṯ, ȓexxu iddar. Tuɣa iweddar, ȓexxu itwaf."

Yuḥanna 1:16

S lbaraka nnes ṯameqqrant ibarek-aneɣ marra s arḍa x arḍa.

Yuḥanna 1:33

Tuɣa nec war ṯ ssineɣ ca min iƹna, walakin ḏ Arebbi iy ḏayi d issekken aḏ ṭehhareɣ i yiwḏan s waman, netta inna-ayi: Wenni ɣa ṯeẓreḏ ihwa-d xas Arruḥ imars xas, ḏ netta iy ɣa iṭehharen i yiwḏan s Arruḥ iqeddsen.

Yuḥanna 20:22

Wami inna manaya iṣṣuḍ xasen inna-asen: "Qebȓeṯ Arruḥ iqeddsen.

Yuḥanna 3:34

Wenni iy d issekk Arebbi issawaȓ s wawaȓ n Arebbi minzi iticc-as Arruḥ nnes bȓa ȓeqyas.

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

Ayṯ-Ufasus 2:1

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ddnub nwem.

Ayṯ-Ufasus 2:5

Iseddar-aneɣ-d ak Lmasiḥ waxxa neccin s wuȓawen nneɣ nemmuṯ ƹlaḥsab ȓmuƹṣiyaṯ nneɣ. Iwa s arḍa n Siḏi Arebbi iy zi nenjem.

Ayṯ-Kulus 2:13

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ.

1 Timutawus 5:6

Walakin ṯenni itƹicen ḏi ccehweṯ waha, qa nettaṯ ṯemmuṯ waxxa ṯeddar.

Yaƹqub 2:26

Cuf, ddat n bnaḏem bȓa buḥbeȓ ṯemmuṯ, amenni lʼiman bȓa ȓexḏayem immuṯ.

1 Buṭrus 1:11

Tuɣa rezzun xas bac aḏ ssnen meȓmi d ɣa imeḍhar usenjem-a ḏ ḍḍuruf nnes. Rezzun aḏ ssnen minxef issawaȓ Arruḥ n Lmasiḥ iy iǧan ḏaysen wami Arruḥ-a iƹȓem-asen zi qbeȓ mecḥaȓ iy ɣa itwaƹeddeb Lmasiḥ, ssenni mecḥaȓ iy ɣa itwasemɣar menbaƹd.

Yahuḏa 1:12

Iṯarrasen-a yina twessaxen imensiwen nwem n ṯemƹacarṯ. Tetten akiḏwem bȓa ma aḏ seḏḥan, niṯni ggin am ca n imeksawen iy ƹettqen ixef nsen waha. Niṯni ḏ iseynuṯen bȓa yanẓar ɣir itawi-ṯen arriḥ itarra-ṯen. Niṯni ggin am ṯcejjura ḏi ȓexȓif war itarwen ca, tneqȓaƹent-id zeg iẓewran nsent; iƹni ibriḏen nsent mmuṯen s ṯnayen.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 1:16

Ḏeg ufus nnes afusi ɣares sebƹa n yiṯran. Aqemmum nnes iteffeɣ-d zzayes ijjen n ssif iqḍeƹ x ṯnayen n jjihaṯ. Aɣembub nnes igga am nnur n ṯfuct iy itceƹciƹen aṭṭas.

Lwaḥi 1:20

Min iƹna ȓmaƹna inuffaren n sebƹa n yiṯran nni iy ṯeẓriḏ ḏeg ufus inu afusi ḏ sebƹa nni n ȓeqnaḏeȓ? Sebƹa nni n yiṯran, iƹni niṯni ḏ sebƹa n lmalaʼikaṯ n ṯjumaƹ n ȓmuminin. Sebƹa nni n ȓeqnaḏeȓ, iƹni niṯni ḏ sebƹa n ṯjumaƹ n ȓmuminin."

Lwaḥi 1:4

Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 2:19

Nec ssneɣ ȓexḏayem nnec ḏ ȓemḥibbeṯ nnec ḏ lʼiman nnec ḏ ṣṣbar nnec qa ssneɣ ȓexḏayem nnec ṯineggura ktar zi ṯinni ṯimezwura.

Lwaḥi 2:2

Nec ssneɣ ȓexḏayem nnec ḏ tamara nnec ḏ ṣṣbar nnec. Ssneɣ war ṯqebbȓeḏ ca yinni iǧan ḏ iƹeffanan, ṯjarrbeḏ yinni iqqaren qa neccin ḏ arrusul ṯufiḏ-ṯen sxerriqen waha.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

Lwaḥi 3:15

Nec ssneɣ ȓexḏayem nnec, cek war ṯesmiḍeḏ war ṯeḥmiḏ. Tmenniɣ cek aḏ tsemḍeḏ niɣ aḏ teḥmiḏ!

Lwaḥi 3:2

Iȓi ƹlabal, egg jjheḏ nnec ḏi ȓexḏayem nnec iy ḏac iqqimen qbeȓ ma aḏ mmṯent qaƹ. Nec ufiɣ ȓexḏayem nnec war kemmȓent ca zzaṯ i Arebbi inu.

Lwaḥi 3:8

Nec ssneɣ ȓexḏayem nnec. Aqa ggiɣ zzaṯec ijjen n ṯewwarṯ ṯnurzem war izemmar ḥadd at ibelleƹ. Waxxa jjheḏ nnec ḏ uqlil, ṯeggiḏ array i wawaȓ inu war ṯenkareḏ ca isem inu.

Lwaḥi 4:5

Iteffeɣ-d zi lƹarc wassam ḏ iɣuyan ḏ wajjaj. Zzaṯ i lƹarc ḏinni sebƹa n isfeḍawen n ṯmessi ceƹƹȓen, yina niṯni ḏ sebƹa n arruḥaṯ n Arebbi.

Lwaḥi 5:6

Ṯumma ṭṭarf i lƹarc-a, ḏi ȓwesṭ n arbeƹa n lmexluqaṯ nni ḏ imɣaren nni, ẓriɣ ḏinni ijjen n Yizmar ibedd walakin itban-d axmi ṯ nɣin. Ɣares sebƹa n waccawen ḏ sebƹa n ṯiṭṭawin. Niṯni ḏ sebƹa n arruḥaṯ n Arebbi ig issekk ɣar marra ddunect-a.