Lwaḥi 21:4 - Ṯarifiṯ 2020

⁴ Aḏ imseḥ kuȓ ameṭṭaw zi ṯiṭṭawin nsen. War tɣimi ca ƹaḏ ȓmewṯ niɣ ḏ lḥuzen niɣ ḏ imeṭṭawen niɣ ḏ ȓeḥriq. Aqa ṯimesȓayin nni ṯimezwura ṣafi twakksent."

Lwaḥi 21:4 ပူးပေါင်းရင်းမြစ်များ

Matta 24:35

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

1 Ayṯ-Kurinṯ 15:26

Ȓaƹḏu aneggaru iy ɣa ibeṭṭeȓ nettaṯ ḏ ȓmewṯ.

1 Ayṯ-Kurinṯ 7:31

ḏ yinni ineffƹen zi ddunect-a axmi manayenni war zzayes neffƹen ca. Mayemmi? Minzi ṭṭabiƹa n ddunect-a war tdumi ca.

2 Ayṯ-Kurinṯ 5:17

S manaya, wenni iǧan ḏi Lmasiḥ aqa itwaxȓeq-d ḏ jḏiḏ; min iǧan ḏ aqḏim iƹḏu yusa-d min iǧan ḏ jḏiḏ.

2 Ayṯ-Kurinṯ 6:17

X manaya iqqar Siḏi Arebbi: Ffɣem-d zi ȓwesṭ nsen ƹezȓeṯ ixef nwem, war tḥaḏaṯ ca min iǧan ḥaram. Uca nec akenniw qebȓeɣ,

Iƹibraniyen 12:27

Awaȓ nni nnes iƹni <ƹaḏ aḏ d tas ijjen n ȓweqṯ> ataf netta issawaȓ x ca n ṯmesȓayin itenhezzan aḏ twakksent iƹni ḏ ṯimesȓayin nni iy d itwaxeȓqen bac ṯimesȓayin nni iy war itenhezzin ca ataf aḏ qqiment.

2 Buṭrus 3:10

Walakin Yum n Siḏiṯneɣ aḏ d yas am d yusa ijjen n uceffar. Uca ijennaṯen aḏ weddaren s yijjen n ssdaƹ ḏ ameqqran igga am ṯmessi isḥarraqen, ḏ marra iṯran ḏ ṯziri aḏ twascemḍen aḏ ftuttsen, aḏ texȓa ṯmurṯ-a ḏ marra min ḏayes itwaggen.

1 Yuḥanna 2:17

Ddunect-a aqa ṯƹeddu-d akiḏes ccehawaṯ nnes, walakin wenni iteggen ȓxaḍar n Arebbi aḏ iqqim iddar i ȓebda n ȓebdaṯ.

Lwaḥi 20:13

Ȓebḥar isellem imettinen ig icca. Ȓmewṯ ḏ Lʼaxira sellment imettinen nsent. Uca kuȓ ijjen aḏ itwaḥaseb ƹlaḥsab ȓexḏayem nnes.

Lwaḥi 20:14

Ṯmenḍar-d ȓmewṯ ḏ Lʼaxira ḏi ȓebḥar n ṯmessi. Qa ȓebḥar nni n ṯmessi netta ig iǧan ḏ ȓmewṯ wis ṯnayen.

Lwaḥi 21:1

Ẓriɣ ijjen n ujenna ḏ jḏiḏ ḏ ijjen n ṯmurṯ ḏ jḏiḏ, ȓaḥeqqac ajenna amezwaru ḏ ṯmurṯ ṯamezwarut ṣafi twakksen, ȓebḥar war iqqim ca.

Lwaḥi 22:3

Zi ssenni aȓ ṯsawent war ḏinni tiȓi bu nnaƹȓeṯ. Lƹarc n Arebbi ḏ Yizmar aḏ yiȓi ḏi ṯendint-a, aṯ ƹebḏen lƹibad nnes.

Lwaḥi 7:17

Ȓaḥeqqac Izmar iy iǧan ḏi ȓwesṭ n lƹarc aṯen yarwes, aṯen yawi akiḏes ɣar mani ǧan ȓaƹnaṣer n waman n ṯuḏarṯ. Arebbi aḏ imseḥ kuȓ ameṭṭaw zi ṯiṭṭawin nsen."