Lwaḥi 21:27 - Ṯarifiṯ 2020

²⁷ War ḏinni taḏef uȓa ḏ ijjen n ṯmesȓayṯ ṯwessex niɣ ḏ ikrucaren niɣ ḏ yinni iqqaren ixerriqen. Aḏ aḏfen ḏinni ɣir yinni ɣar ǧan isemawen nsen zemmmen ḏi Lkitab n Ṯuḏarṯ n Yizmar.

Lwaḥi 21:27 ပူးပေါင်းရင်းမြစ်များ

Matta 13:41

Aḏ d issekk Mmis n bnaḏem lmalaʼikaṯ nnes, aḏ kksent zi ȓmulk nnes marra min itsebbaben ḏi ȓmuƹṣiyaṯ ḏ yinni iteggen ccarr.

Marqus 7:2

Ẓrin can imeḥḍaren nnes tetten aɣrum bȓa ma aḏ sirḏen ifassen, iƹni bȓa ma aḏ ggen ȓuḍu nni.

Luqa 10:20

Innama, war farrḥeṯ ca wami jnun ḏawem teggen array. Lla, farḥeṯ wami isemawen nwem urin zemmen ḏeg ujenna."

Ayṯ-Ufasus 5:5

Liʼanna wenni iteggen lfasad niɣ ḏ min isexnizen niɣ ḏ min iseḍmaƹen, iƹni netta ḏ wenni iƹebbḏen lʼaṣnam, aqa tessnem bȓa ccekk belli marra yinni iteggen manaya war ɣarsen bu lwareṯ ḏi ȓmulk n Lmasiḥ niɣ ḏi Arebbi.

Ayṯ-Filippas 4:3

Wah, tettareɣ uȓa ḏ cek ay amƹacar inu n ṣṣaḥ, ƹawen ṯimɣarin-a iy kiḏi ixeddmen fus ḏeg ufus ḏi Lʼinjil, akiḏsent ƹaweḏ Krimu ḏ imƹacaren inu nneɣni. Isemawen nsen marra aqaṯen ḏi Lkitab n Ṯuḏarṯ.

1 Timutawus 1:10

ḏ yinni iteggen lfasad ḏ iryazen ifessḏen ak wayawya ḏ yinni itacaren iwḏan ḥima aṯen arren ḏ isemɣan ḏ yinni iqqaren ixarriqen ḏ yinni icehhḏen ẓẓur niɣ ḏ yinni iteggen can n ṯmesȓayin nneɣni iǧan ḍed i ttaƹlim n lʼiman iǧan nican.

Iƹibraniyen 12:14

Ggeṯ lmejhud bac aḏ tƹicem ḏi ȓehna ak marra iwḏan u bac aḏ tiȓim ṯeṣfam. Bȓa a niȓi neṣfa war ḏinni ḥadd iy ɣa iẓren Mawlana.

2 Buṭrus 3:13

Walakin ƹlaḥsab lwaƹed nnes neccin netraja ijennaṯen n jḏiḏ ḏ yijjen n ddunect n jḏiḏ mani ɣa izḏeɣ ȓḥaqq.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 20:12

Ẓriɣ imettinen bedden zzaṯ i lƹarc nni am umezyan am umeqqran. Nurzmen Lkutub, inurzem ijjen n Lkitab nneɣni netta ḏ Lkitab n Ṯuḏarṯ. Twaḥasben imettinen s min yurin ḏi Lkutub ƹlaḥsab ȓexḏayem nsen.

Lwaḥi 20:15

Wenni war ɣar ufin ca isem nnes izemmem ḏi Lkitab n Ṯuḏarṯ qa imenḍar-d ḏi ȓebḥar n ṯmessi.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 3:5

Wenni ɣa irebḥen aḏas ggen arruḍ ḏ acemȓaȓ. Nec ƹemmarṣ aḏ mesḥeɣ isem nnes zi Lkitab n Ṯuḏarṯ, axas cehḏeɣ zzaṯ i Baba ḏ lmalaʼikaṯ nnes.