Lwaḥi 21:21 - Ṯarifiṯ 2020

²¹ Ṯenƹac nni n ṯewwura niṯenti ḏ ṯenƹac n jjuwharaṯ, kuȓ ṯawwarṯ nettaṯ ḏ jjuwhar. Ccariƹ n ṯendint netta ḏ ddheb iṣfan amecnaw jjaj iṣfan.

Lwaḥi 21:21 ပူးပေါင်းရင်းမြစ်များ

Lwaḥi 17:4

Ṯamɣarṯ-a ṯegga arruḍ ḏ gruna ḏ uzeggwaɣ iḥeḏqen. Ṯzewweq s ddheb ṯegga ṯiƹeqqayin iy iɣȓan ḏ jjuwhar. Ḏeg ufus nnes ijjen n ȓkas n ddheb iƹemmar s ṯuƹuffna ḏ min iǧan ḥram n lfasad nnes.

Lwaḥi 18:16

Aḏ inin: Ya Laṭif, ya Laṭif! Qa ṯandint-a ṯameqqrant, tuɣa xas ȓkettan n lulan aṣebḥan ḏ ȓkettan gruna ḏ ȓkettan azeggwaɣ iḥeḏqen, ṯzewweq ixef nnes s ddheb ṯegga lwiz ḏ jjuwhar!

Lwaḥi 21:15

Lmalak nni wenni iy ɣari d issiwȓen ɣares ḏeg ufus nnes ijjen n ȓaƹbar n uɣanim n ddheb iƹebbar zzayes ṯandint ḏ ṯiwwura nnes ḏ ȓḥiḍ nnes.

Lwaḥi 21:18

Ȓḥiḍ nnes ibna s ṯezra n lyaceb, ṯandint ṯebna s ddheb iṣfan amecnaw jjaj iṣfan.

Lwaḥi 22:2

itazzeȓ ḏi ȓwesṭ n ccariƹ n ṯendint. X ṯnayen n iɣezḏisen n yiɣzar-a ḏinni ṯacejjarṯ n ṯuḏarṯ. Tarew ṯenƹac n ṯwaȓaṯin kuȓ char ijjen n ṯwaȓa, afar nnes isgenfa ȓegnus.

Lwaḥi 4:6

Zzaṯ i lƹarc ḏinni am ȓebḥar n jjaj iṣfa aṭṭas. Ḏinni arbeƹa n lmexluqaṯ iddaren ḏi ȓwesṭ, nnḍen-as-d i lƹarc ɣarsen ṯiṭṭawin ɣar zzaṯ ḏ ḏeffar.