Lwaḥi 21:2 - Ṯarifiṯ 2020

² Ẓriɣ ṯandint iqeddsen nettaṯ ḏ Lquds ḏ jḏiḏ. Ṯehwa-d zeg ujenna zi Arebbi ṯegga am ṯsȓiṯ ṯeƹḏeȓ ixef nnes bac aḏ teȓqa muȓay.

Lwaḥi 21:2 ပူးပေါင်းရင်းမြစ်များ

Yuḥanna 3:29

Wenni ɣar ṯeǧa ṯsȓiṯ, netta ḏ muȓay. Awzir n muȓay iƹni wenni itbeddan zzaṯes itsȓa-yas, netta ifarreḥ aṭṭas i wawaȓ n muȓay. Ammu uȓa ḏ nec farḥeɣ aṭṭas.

Iƹibraniyen 11:10

Ȓaḥeqqac Brahim itraja ṯandint nni ɣar ǧan dsasaṯ itduman, ixaṭṭ-it Arebbi ibna-t.

Iƹibraniyen 11:16

Walakin lla, rezzun x yijjen n ṯmurṯ ḥsen zi ṯenni, iƹni icten ḏeg ujenna. X manayenni Arebbi war iseḏḥi ca aḏas inin qa cek ḏ Arebbi nneɣ minzi netta isewjeḏ-asen ijjen n ṯendint.

Iƹibraniyen 12:22

Walakin kenniw ṯqarrbem-d ɣar Uḏrar n Ṣiyun iƹni ṯandint n Arebbi iddaren ḏ Lquds n ujenna, ḏayes aȓaf n uȓufaṯ n lmalaʼikaṯ.

Iƹibraniyen 13:14

Minzi ḏanita war ɣarneɣ bu ṯendint itduman; Lla, nrezzu x ṯendint nni iy d ɣa yasen.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Lwaḥi 1:4

Zi Yuḥanna ɣar sebƹa n ṯjumaƹ n ȓmuminin ḏi lʼiqlim n Asya. Akiḏwem yiȓi arḍa ḏ ȓehna zeg wenni ig iǧan, tuɣa iǧa, ƹaḏ aḏ d yas. Akiḏwem yiȓi arḍa zi sebƹa n arruḥaṯ ig iǧan zzaṯ i lƹarc nnes.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 11:2

Walakin ȓemraḥ iǧan ɣar barra i ṯemziḏa ejj-iṯ waḥḏes, war ṯ teƹbar ca ȓaḥeqqac immuc-asen i ȓegnus. Aḏ ƹeffsen ṯandint iqeddsen ḏi ṯnayen u arbeƹin n churaṯ.

Lwaḥi 21:10

Iysi-ayi arruḥ ɣar yijjen n uḏrar ḏ ameqqran yuƹȓa, ismeḍhar-ayi-d ṯandint iqeddsen iƹni Lquds, ṯehwa-d zeg ujenna zi Arebbi.

Lwaḥi 21:9

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin ig iƹemmaren s sebƹa n lmuṣibaṯ nni ṯineggura, inna-ayi: "Araḥ-d, aḏac d smeḍhareɣ ṯasȓiṯ, iƹni ṯenni ɣa yawin Izmar."

Lwaḥi 22:17

Arruḥ ḏ ṯsȓiṯ qqaren: "Araḥ-d!" Wenni itsȓan aḏ yini: "Araḥ-d!" Wenni ifuḏen aḏ d yas, wenni irezzun aman n ṯuḏarṯ aḏ isew baṭeȓ!

Lwaḥi 22:19

Wenni ɣa ikksen zeg wawaȓen-a n lwaḥi ḏi Lkitab-a, ataf Arebbi as ikkes ȓḥaqq nnes zi ṯmesȓayin ig yurin ḏi Lkitab-a, iƹni ȓḥaqq nnes n ṯcejjarṯ n ṯuḏarṯ ḏ ȓḥaqq nnes n ṯendint iqeddsen.

Lwaḥi 3:12

Qa wenni ɣa irebḥen aṯ sbeddeɣ am yijjen n upilar ḏi ṯemziḏa ṯameqqrant n Arebbi inu aḏ iqqim ḏinni i ȓebda. Axas ariɣ isem n Arebbi inu ḏ yisem n ṯendint n Arebbi inu, iƹni Lquds n jḏiḏ iy d ɣa ihwan zeg ujenna zi Arebbi inu. Axas ariɣ isem inu ḏ jḏiḏ.