Lwaḥi 21:10 - Ṯarifiṯ 2020

¹⁰ Iysi-ayi arruḥ ɣar yijjen n uḏrar ḏ ameqqran yuƹȓa, ismeḍhar-ayi-d ṯandint iqeddsen iƹni Lquds, ṯehwa-d zeg ujenna zi Arebbi.

Lwaḥi 21:10 ပူးပေါင်းရင်းမြစ်များ

Ȓexḏayem 8:39

Wami d gaƹƹḏen zeg waman nni, Arruḥ n Siḏiṯneɣ irfeƹ Filippas ssenni. War iqqim ca uḥabaci nni itwaȓa Filippas ktar ƹaḏ, yuyur x ubriḏ nnes s ȓefraḥeṯ.

Ayṯ-Galaṭya 4:26

Walakin ṯandint n Lquds iy iǧan ḏeg ujenna aqat ḥurr, nettaṯ ḏ yemmaṯneɣ.

Lwaḥi 1:10

Ḏi nhar n Siḏiṯneɣ tuɣa ihwa-d xafi Arruḥ n Arebbi, sȓiɣ ɣar ḏeffar inu ijjen n ṯmijja ṯemɣar ṣṣut nnes igga am zzammar.

Lwaḥi 11:2

Walakin ȓemraḥ iǧan ɣar barra i ṯemziḏa ejj-iṯ waḥḏes, war ṯ teƹbar ca ȓaḥeqqac immuc-asen i ȓegnus. Aḏ ƹeffsen ṯandint iqeddsen ḏi ṯnayen u arbeƹin n churaṯ.

Lwaḥi 17:3

Lmalak nni iysi-ayi arruḥ ɣar ȓexȓa, ẓriɣ ijjen n ṯemɣarṯ ṯenya x yijjen n ȓwaḥc ḏ azeggwaɣ iḥeḏqen iƹemmar s yisemawen war iḥȓin x Arebbi. Ɣares sebƹa n iqeyyuƹen ḏ ƹecra n waccawen.

Lwaḥi 21:2

Ẓriɣ ṯandint iqeddsen nettaṯ ḏ Lquds ḏ jḏiḏ. Ṯehwa-d zeg ujenna zi Arebbi ṯegga am ṯsȓiṯ ṯeƹḏeȓ ixef nnes bac aḏ teȓqa muȓay.

Lwaḥi 3:12

Qa wenni ɣa irebḥen aṯ sbeddeɣ am yijjen n upilar ḏi ṯemziḏa ṯameqqrant n Arebbi inu aḏ iqqim ḏinni i ȓebda. Axas ariɣ isem n Arebbi inu ḏ yisem n ṯendint n Arebbi inu, iƹni Lquds n jḏiḏ iy d ɣa ihwan zeg ujenna zi Arebbi inu. Axas ariɣ isem inu ḏ jḏiḏ.

Lwaḥi 4:2

Ȓexddenni ihwa-d xafi Arruḥ n Arebbi, imeḍhar-d ḏinni ijjen n lƹarc ḏeg ujenna iqqim xas ijjen.