Lwaḥi 2:8 - Ṯarifiṯ 2020

⁸ Ari-yas i lmalaʼika n jmaƹṯ n ȓmuminin iy iǧan ḏi ṯendint n Smirna, ini-yas qa wenni iǧan ḏ amezwaru uȓa ḏ aneggaru, immuṯ uca ikkar-d zi ȓmewṯ, iqqar-ac:

Lwaḥi 2:8 ပူးပေါင်းရင်းမြစ်များ

Ayṯ-Ruma 14:9

Liʼanna x manaya iy xef immuṯ Lmasiḥ uca ṯeƹqeb-d ḏayes ṯuḏarṯ ḥima aḏ yiȓi netta ḏ Siḏiṯsen n yinni immuṯen ḏ yinni iddaren.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 1:8

Iqqar Siḏi Arebbi: "Nec ḏ lʼalif nec ḏ lyaʼ. Nec ḏ wenni ig iǧan, tuɣa ǧiɣ, ƹaḏ aḏ d aseɣ, zemmareɣ i kuȓci."

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac:

Lwaḥi 22:13

Nec ḏ lʼalif nec ḏ lyaʼ, nec ḏ amezwaru ḏ aneggaru. Nec kuȓci zzayi ig ibḏa, kuȓci zzayi iy ɣa ikemmeȓ.