Lwaḥi 2:24 - Ṯarifiṯ 2020

²⁴ Amma kenniw nneɣni iy iǧan ḏi Ṯiyatra war ṯeqbiȓem ca ttaƹlim nni, war ṯessinem ca manayenni umi qqaren yiwḏan Qqareɣ-awem nec war xawem teggeɣ bu ca n dqeȓ nneɣni.

Lwaḥi 2:24 ပူးပေါင်းရင်းမြစ်များ

Ȓexḏayem 15:28

Neccin ḏ Arruḥ iqeddsen netwaȓa mliḥ war xawem ntegg bu dqeȓ aṭṭas illa min iǧan wa labud.

Ȓexḏayem 16:14

Akiḏsent ḏinni ijjen n ṯemɣarṯ ṯesȓa-yaneɣ qqaren-as Lidya. Nettaṯ zi ṯendint n Ṯiyatra ṯeznuza ṯcuqqet nni iy iɣȓan llun nnes ḏ llila, ṯƹebbeḏ Arebbi. Irzem-as Siḏi Arebbi uȓ nnes bac aḏ tṣenneṭ i wawaȓ n Bulus.

1 Ayṯ-Kurinṯ 2:10

Ṯimesȓayin nni ismeḍhar-aneɣ-ṯent-id Arebbi s Arruḥ nnes. Liʼanna Arruḥ n Arebbi ixezzar ḏi ṯmesȓayin marra, waxxa ḏ min yuǧɣen n Arebbi.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

2 Ayṯ-Kurinṯ 2:11

Manaya ḥima Cciṭan war ḏaneɣ ixeddeƹ ca, aqa war nɣeffeȓ ca x min itciṭin netta.

Yaƹqub 3:15

Nnuƹ n ȓefhameṯ-a war d thewwi ca zeg ujenna; Lla, nettaṯ n ddunect-a n yiwḏan n Cciṭan.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Lwaḥi 2:18

Ari-yas i lmalaʼika n jmaƹṯ n ȓmuminin iy iǧan ḏi ṯendint n Ṯiyatra, ini-yas qa wenni iǧan ḏ Mmis n Arebbi, ṯiṭṭawin nnes ggint am uḥaḏuq n ṯmessi, iḍaren nnes ggin am nneḥḥas iṣfan, iqqar-ac:

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.