Lwaḥi 19:14 - Ṯarifiṯ 2020

¹⁴ Ȓƹaskar n ujenna ḏeffaren-ṯ nyin x yiysan ḏ icemȓaȓen, ggin arruḍ n ȓkettan n lulan aṣebḥan ḏ acemȓaȓ inqa.

Lwaḥi 19:14 ပူးပေါင်းရင်းမြစ်များ

Matta 21:5

"Inim-as i yeǧis n Lquds: Xzar, azeǧiḏ nnem yusa-d ɣarem, war ḏayes bu ttakebbur. Inya x yijjen n ṯeɣyuȓṯ, ḏ usnus mmis n ṯeɣyuȓṯ."

Matta 26:53

Ma tɣir-ac war zemmareɣ aḏ ttareɣ i Baba aḏayi d issekk ȓexxu ktar zi ṯenƹac n ljuyuc n lmalaʼikaṯ?

Matta 28:3

Uḏem nnes itceƹciƹ s nnur am wassam, arruḍ nnes netta ḏ acemȓaȓ amecnaw aḏfeȓ.

2 Ayṯ-Salunik 1:7

aḏawem yuc arraḥeṯ akiḏneɣ kenniw itwameḥḥanen. Manaya aḏ yiȓi xmi d ɣa imeḍhar Siḏiṯneɣ Ƹisa zeg ujenna ḏeg yijjen n ṯmessi ṯḥeddeq, akiḏes d meḍharent lmalaʼikaṯ nnes ijehḏen.

Yahuḏa 1:14

Fa Axnux wenni ig iǧan ḏ ayyaw n Adam zi jeddiṯwem wis sebƹa netta iƹȓem ijjen n wawaȓ zi Arebbi inna-ṯ x iṯarrasen-a: "Xzareṯ, aqa yusa-d Siḏiṯneɣ s waȓaf n uȓufaṯ n imqeddsen nnes

Lwaḥi 14:1

Wami xzareɣ, twaȓiɣ Izmar ibedd x uḏrar n Lquds akiḏes miyya u arbeƹa u arbeƹin aȓaf. Yura x ṯenyarṯ nsen isem n Yizmar ḏ yisem n Babas.

Lwaḥi 14:20

Ƹeffsent ḏi ṯsirṯ n uḍiȓ barra i ṯendint. Ḥemȓen-d zzayes iḏammen ar wami d yuwḍen ɣar sȓimeṯ n uyis, uyuren iḏammen nni can ṯeȓtmiyyat kilumit.

Lwaḥi 17:14

Niṯni aḏ ḥarben Izmar walakin netta aṯen iɣȓeb; Qa netta ḏ Mawlana n mawlanaṯ ḏ Azeǧiḏ n izeǧiḏen, yinni iy kiḏes iǧan iȓaɣa-yasen-d Arebbi ixḍar-iṯen, ḏaysen iǧa ȓaman."

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.

Lwaḥi 19:8

Immuc-as axas ṯegg ȓkettan n lulan aṣebḥan, ireqq, iṣfa." (Ȓkettan n lulan aṣebḥan iƹni netta ḏ ȓexḏayem ig iǧan nican n ȓmuminin ṣṣaliḥin.)

Lwaḥi 3:4

Akiḏec ḏinni ȓebƹaḍ n yiwḏan ḏi Sardis war swesixen ca arruḍ nsen, akiḏi uyuren s warruḍ ḏ acemȓaȓ ȓaḥeqqac sḏaheǧen-t.

Lwaḥi 4:4

Nnḍen-as-d i lƹarc-a arbeƹa u ƹicrin n lƹarcaṯ, xasen arbeƹa u ƹicrin n imɣaren ggin arruḍ ḏ acemȓaȓ, kuȓ ijjen zzaysen ɣares ttaj n ddheb x uzeǧif nnes.

Lwaḥi 7:9

Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.