Lwaḥi 19:10 - Ṯarifiṯ 2020

¹⁰ Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 19:10 ပူးပေါင်းရင်းမြစ်များ

Matta 4:10

Indeq-d Ƹisa inna-as: "Ruḥ, beƹƹeḏ-ayi a Cciṭan. Aqa Lkitab iqqar: "

Marqus 5:22

Yusa-d ɣares ijjen zi arruyas n ṯemziḏa n Ayṯ-Israʼil qqaren-as Yagrus. Wami iẓra Ƹisa iwḍa-yas ɣar iḍaren nnes

Marqus 7:25

Ḏinni ijjen n ṯemɣarṯ yeǧis ḏayes jjenn ḏ aƹeffan. Wami d ṯarra ȓexbar ḏeɣya ṯusa-d ɣar Ƹisa ṯewḍa-yas ɣar iḍaren nnes.

Luqa 1:19

Indeq-d lmalak nni inna-as: "Qa nec ḏ Jibril ḏ wenni itbeddan zzaṯ i Arebbi, issekk-ayi-d Arebbi ɣarec bac akic ssiwȓeɣ aḏac iniɣ ȓexbar-a isfarraḥen.

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

Yuḥanna 5:39

Ṯrezzum ḏi Lkutub kenniw tɣir-awem ḏaysen ṯuḏarṯ n ȓebda. Iwa uȓa ḏ yina cehhḏen xafi.

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 13:27

Qa imezḏaɣ n Lquds ḏ arruyas nsen war ƹqiȓen ca Ƹisa-ya, war fhimen ca awaȓen n lʼanbiya ḏi Lkutub iy qqaren ḏi ṯemziḏawin zi ssebṯ ɣar ssebṯ. Wami ḥekmen x Ƹisa s ȓmewṯ ffɣen-d wawaȓen nni iy nnan lʼanbiya.

2 Ayṯ-Kurinṯ 8:7

Kenniw teggem zyada ḏi marra ṯimesȓayin, iƹni ḏi lʼiman nwem ḏ lxuṭba nwem ḏ ṯusna nwem ḏ mammec iy tḥawaȓem s wuȓawen nwem u ḏ ȓemḥibbeṯ nwem i neccin. Ammu iy ɣa ṯeggem mliḥ aṭṭas ḏi ȓxir n ṣṣaḏaqa-ya ƹaweḏ.

Ayṯ-Ufasus 5:15

Iḏen fa, rajƹaṯ ixef nwem xzareṯ mammec iy ɣa ṯƹicem. Maci aḏ tƹicem am yinni iy ḏi ṯeǧa ȓeqfaȓeṯ; Lla, ƹicem am yinni iy ḏi ṯeǧa ȓefhameṯ.

Ayṯ-Ufasus 5:33

Innama, labud kuȓ ijjen zzaywem aḏ iḥibb ṯamɣarṯ nnes am mammec itḥibba ixef nnes. Ṯamɣarṯ u labud aḏ tweqqar aryaz nnes.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

1 Ayṯ-Salunik 5:15

Arrem-d ȓbaȓ nwem, itxeṣṣa uȓa ḏ ijjen war itxeǧis ccarr s ccarr nneɣni; Lla, ȓebda rezzuṯ min iǧan ḏ aṣebḥan jarawem ḏ jar yiwḏan marra.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 12:25

Arrem-d ȓbaȓ nwem war tjihiȓem ca awaȓ n wenni issawaȓen, mayemmi? Liʼanna Ayṯ-Israʼil war feȓṯen ca wami jehȓen awaȓ n wenni tuɣa ṯen iweṣṣan ḏi ṯmurṯ. U neccin ƹaḏ ktar, meȓa nugi a ntaƹ i wenni ḏaneɣ iweṣṣan zeg ujenna ataf ƹemmarṣ a nefȓeṯ.

1 Yuḥanna 5:10

Wenni ɣa yamnen zi Mmis n Arebbi ataf aɣares ṯiȓi chaḏeṯ-a ḏeg wuȓ nnes. Wenni war yuminen ca zi chaḏeṯ-a n Arebbi ataf aṯ yarr ḏ bu-ixarriqen waha ȓaḥeqqac netta war yumin ca zi chaḏeṯ-a ig icheḏ ƹlaḥsab Mmis.

1 Yuḥanna 5:21

A iḥenjiren, ḥḍam ixef nwem zi lʼaṣnam.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

Lwaḥi 12:11

Ɣeȓben-ṯ ayṯmaṯneɣ s iḏammen n Yizmar ḏ chaḏeṯ nsen. Ṯuḏarṯ nsen war xasen ṯƹizz ca, wejḏen aḏ mmṯen.

Lwaḥi 12:17

Iɣḍeb bu-sebƹa izeǧifen x ṯemɣarṯ nni iruḥ aḏ iḥareb s min iqqimen zi ddurriṯ nnes, iƹni yinni iteggen array s ȓuṣiyaṯ n Arebbi teṭṭfen x minxef icheḏ Ƹisa.

Lwaḥi 14:7

Ṯeqqar s jjheḏ: "Ggwḏem Arebbi semɣarem-ṯ, aqa ṯuweḍ-d ṯsaƹƹat nnes aḏ igg lḥisab ḏ lƹiqab. Sejjḏeṯ i wenni iy d ixeȓqen ajenna ḏ ṯmurṯ ḏ ȓebḥar ḏ ȓaƹnaṣer."

Lwaḥi 15:4

A Siḏi, min ƹnan yinni war c iteggwḏen? Min ƹnan yinni isem nnec war ṯ isemɣaren? Aqa cek waḥḏec ig iṣfan. Marra ȓegnus aḏ d asen aḏac sejjḏen, minzi ȓexḏayem nnec banent-id nican."

Lwaḥi 19:9

Inna-ayi lmalak wenni: "Ari manaya: Ssaƹḏ n yinni itwaƹarḍen ɣar umensi n ȓfarḥ n Yizmar!" Inna-ayi ƹaweḏ: "Awaȓen-a ǧan ḏ ṣṣaḥ zi Arebbi."

Lwaḥi 4:10

ssenni ƹaweḏ arbeƹa u ƹicrin nni n imɣaren trekkaƹen-as i wenni iqqimen x lƹarc, tsejjaḏen-as i wenni iddaren i ȓebda n ȓebdaṯ. Kuȓ ijjen zzaysen ineṭṭar ttaj nnes zzaṯ i lƹarc iqqar: