Lwaḥi 18:24 - Ṯarifiṯ 2020

²⁴ Iwa ḏi ṯendint-a ig ufin iḏammen n lʼanbiya ḏ ȓmuminin ṣṣaliḥin ḏ marra yinni itwanɣen ḏi ṯmurṯ."

Lwaḥi 18:24 ပူးပေါင်းရင်းမြစ်များ

Matta 23:27

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw amecnaw imeḍȓan ibeyyḍen s jjir. Tmeḍharen ṣebḥan ɣar barra, walakin niṯni ccuren ɣar ḏaxeȓ s yixsan ḏ marra min yareccan.

Matta 23:35

X manayenni aḏ twaƹaqbem x marra iḏammen iy yuzzȓen n ȓmuminin ḏi ddunect-a. Zeg iḏammen n Habil ȓmumen aȓ iḏammen n Zakariya mmis n Barxiya iy ṯenɣim jar ȓmeḏbaḥ ḏ ṯemziḏa ṯameqqrant.

Ȓexḏayem 7:52

Ma injem can n nnabi war ṯ ƹeddben ca ȓejḏuḏ nwem? Niṯni nɣin uȓa ḏ lʼanbiya nni n zman iy innan qa aḏ d yas wenni iǧan ṣṣaliḥ, iƹni wenni ȓexxu ṯxeḏƹem kenniw ṯenɣim-ṯ.

1 Ayṯ-Salunik 2:15

Niṯni nɣin Siḏiṯneɣ Ƹisa ḏ lʼanbiya, uȓa ḏ neccin sufɣen-aneɣ ssenni. War xasen yarḍi ca Arebbi niṯni tƹarraḍen i marra iwḏan, ȓaḥeqqac war ḏaneɣ tejjin ca a nessiweȓ ak ȓegnus bac aḏ nejmen. Amenni ȓmuƹṣiyaṯ nsen arennint tƹemmarent, lƹiqab n Arebbi iwḍa xasen qaƹ.

Lwaḥi 11:7

Xmi ɣa kemmȓen ȓexbar nsen iy zi ɣa cehḏen, aḏ d igaƹƹeḏ ȓwaḥc zi ȓaǧeɣ bȓa ȓaḥedd aṯen iḥareb, aṯen iɣȓeb, aḏ ineɣ ȓechuḏ nni.

Lwaḥi 16:6

Aqa wami sizzȓen iḏammen n ȓmuminin ṣṣaliḥin ḏ lʼanbiya, ṯuciḏ-asen aḏ swen iḏammen uȓa ḏ niṯni ȓaḥeqqac sḏaheǧen manayenni."

Lwaḥi 17:6

Ẓriɣ ṯamɣarṯ nni ṯsekkar s iḏammen n ȓmuminin ṣṣaliḥin ḏ iḏammen n yinni icehhḏen x Ƹisa. Wami t ẓriɣ ḏehceɣ aṭṭas.

Lwaḥi 19:2

Ȓeḥkam nnes ḏ ȓḥaqq iǧa nican. Iḥaseb lfasda ṯameqqrant ig isefsaḏen ṯamurṯ s lfasad nnes, intaqem zzayes ƹlaḥsab iḏammen n yinni iƹebbḏen Arebbi."