Lwaḥi 18:14 - Ṯarifiṯ 2020

¹⁴ Aḏas inin isebbaben: Min ṯƹecceq ccehweṯ nnem war ṯ tifeḏ ca. Marra agȓa ḏ ȓxir nnem aḏ iqḍa, ƹemmarṣ aḏ d iḏweȓ.

Lwaḥi 18:14 ပူးပေါင်းရင်းမြစ်များ

Matta 11:8

Meȓa lla, minxef ṯeffɣem aḏ teẓrem? Ma ḏ ijjen n uryaz yareḍ arruḍ ḏ aṣebḥan? Lla, yinni iy ɣar iǧa warruḍ ḏ aṣebḥan tƹicen mliḥ tiȓin ḏi ȓquṣur n izeǧiḏen!

Luqa 12:20

Walakin inna-as Arebbi: Ay afɣuȓ! Umi ṯsewjaḏeḏ manaya? Ḏi ǧiȓeṯ-a ṯanita aḏ itwaffeɣ buḥbeȓ nnec.

Luqa 16:25

Inna-as Brahim: Ƹqeȓ a mmi inu, cek ṯeysiḏ ȓḥaqq nnec zi ȓxir ḏi ṯuḏarṯ nnec, Liƹazar iƹic mƹaddeb. Ȓexxu netta aqaṯ ḏa mliḥ, cek aqac ḏi ȓaƹḏab.

1 Ayṯ-Kurinṯ 10:6

Ṯimesȓayin-a weqƹent ḏ ijjen n lƹibra i neccin. Mayemmi? Bac war ḏayneɣ itiȓi mezȓi x ccarr mammec tuɣa cehhan niṯni.

Yaƹqub 4:2

Xmi war tifem ca kenniw x minxef ṯrezzum, ataf ṯneqqem. Tmenɣam temnaqarem jarawem, mayemmi? Liʼanna kenniw war ṯzemmarem ca aḏ tawḍem ɣar min ṯƹeccqem. War ɣarwem ca, mayemmi? Liʼanna kenniw war tettarem ca i Arebbi.

Lwaḥi 18:13

ḏ ȓqarfa, ḏ lƹiṭar, ḏ tbaxur, ḏ murr, ḏ tbaxur lluban, ḏ waman n uḍiȓ, ḏ zzect, ḏ waren lfurs, ḏ yirḏan, ḏ ifunasen, ḏ iḥuȓiyen, ḏ yiysan, ḏ ikarruṯen, ḏ isemɣan iƹni yiwḏan.

Lwaḥi 18:15

Isebbaben nni iy kiḏes ggin agȓa s sseȓƹaṯ nni aḏ bedden ɣar ȓeggwaj s ṯiggwḏi zi ȓaƹḏab nni, aḏ run aḏ ḥeznen.