Lwaḥi 17:4 - Ṯarifiṯ 2020

⁴ Ṯamɣarṯ-a ṯegga arruḍ ḏ gruna ḏ uzeggwaɣ iḥeḏqen. Ṯzewweq s ddheb ṯegga ṯiƹeqqayin iy iɣȓan ḏ jjuwhar. Ḏeg ufus nnes ijjen n ȓkas n ddheb iƹemmar s ṯuƹuffna ḏ min iǧan ḥram n lfasad nnes.

Lwaḥi 17:4 ပူးပေါင်းရင်းမြစ်များ

Lwaḥi 14:8

Ṯekkar ṯeḏfar-it ijjen n lmalaʼika nneɣni wis ṯnayen ṯeqqar: "Qa ṯewḍa qa ṯewḍa ṯendint n Babil ṯameqqrant ṯenni ig isesswen marra ȓegnus s waman nnes n uḍiȓ, iƹni lfasad nnes ameqqran."

Lwaḥi 18:12

Sseȓƹaṯ nni n ddheb, ḏ nnuqarṯ, ḏ lwiz, ḏ jjuwhar, ḏ ȓkettan n lulan aṣebḥan, ḏ ȓkettan gruna, ḏ ȓeḥrir, ḏ ȓkettan azeggwaɣ iḥeḏqen, ḏ marra min itwaṣennƹen s ukeccuḍ n umeḍzi, ḏ marra min itwaṣennƹen s iɣemmuzen n lfil, ḏ marra min itwaṣennƹen s ukeccuḍ iɣran, ḏ nneḥḥas, ḏ ȓeḥḏiḏ, ḏ marmu,

Lwaḥi 18:16

Aḏ inin: Ya Laṭif, ya Laṭif! Qa ṯandint-a ṯameqqrant, tuɣa xas ȓkettan n lulan aṣebḥan ḏ ȓkettan gruna ḏ ȓkettan azeggwaɣ iḥeḏqen, ṯzewweq ixef nnes s ddheb ṯegga lwiz ḏ jjuwhar!

Lwaḥi 19:2

Ȓeḥkam nnes ḏ ȓḥaqq iǧa nican. Iḥaseb lfasda ṯameqqrant ig isefsaḏen ṯamurṯ s lfasad nnes, intaqem zzayes ƹlaḥsab iḏammen n yinni iƹebbḏen Arebbi."

Lwaḥi 21:21

Ṯenƹac nni n ṯewwura niṯenti ḏ ṯenƹac n jjuwharaṯ, kuȓ ṯawwarṯ nettaṯ ḏ jjuwhar. Ccariƹ n ṯendint netta ḏ ddheb iṣfan amecnaw jjaj iṣfan.

Lwaḥi 9:21

War tuben ca wami nɣin iwḏan niɣ wami ggin ssḥur ḏ lfasad ḏ ṯukkarda.