Lwaḥi 17:1 - Ṯarifiṯ 2020

¹ Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin inna-ayi: "Araḥ-d, aḏac d smeḍhareɣ lḥisab ḏ lƹiqab n lfasda ṯameqqrant ig iqqimen x waṭṭas n waman.

Lwaḥi 17:1 ပူးပေါင်းရင်းမြစ်များ

Luqa 24:32

Nnan i wayawya: "Neccin nesḥissa can ȓḥajeṯ ṯeccaṯ ḏeg wuȓawen nneɣ wami tuɣaṯ issawaȓ akiḏneɣ ḏeg ubriḏ isefhem-aneɣ Lkutub."

Luqa 9:30

Meḍharen-d ṯnayen n iryazen ssawaȓen akiḏes ijjen ḏ nnabi Musa ijjen ḏ nnabi Ilyas.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Lwaḥi 15:1

Ẓriɣ ijjen n lƹalama nneɣni ḏ ṯameqqrant ḏeg ujenna isḏehhacen, iƹni sebƹa n lmalaʼikaṯ ɣarsent sebƹa n lmuṣibaṯ ṯineggura, zzaysent iy ɣa itwakemmeȓ uɣḍab n Arebbi.

Lwaḥi 16:19

Ṯceqq ṯendint ṯameqqrant x tȓaṯa, nheḏment ṯneddam n ȓegnus. War ittu ca Arebbi ṯandint n Babil ṯameqqrant, fa innama yuca-as aḏ tsew zi ȓkas n waman uḍiȓ iƹni lƹiqab nnes ameqqran.

Lwaḥi 18:1

Menbaƹd i manaya ẓriɣ ijjen n lmalak nneɣni ihwa-d zeg ujenna ɣares ssulṭa ḏ ṯameqqrant. Ṯceƹceƹ ṯmurṯ s nnur n lƹaḍama n lmalak nni.

Lwaḥi 19:2

Ȓeḥkam nnes ḏ ȓḥaqq iǧa nican. Iḥaseb lfasda ṯameqqrant ig isefsaḏen ṯamurṯ s lfasad nnes, intaqem zzayes ƹlaḥsab iḏammen n yinni iƹebbḏen Arebbi."

Lwaḥi 19:9

Inna-ayi lmalak wenni: "Ari manaya: Ssaƹḏ n yinni itwaƹarḍen ɣar umensi n ȓfarḥ n Yizmar!" Inna-ayi ƹaweḏ: "Awaȓen-a ǧan ḏ ṣṣaḥ zi Arebbi."

Lwaḥi 21:15

Lmalak nni wenni iy ɣari d issiwȓen ɣares ḏeg ufus nnes ijjen n ȓaƹbar n uɣanim n ddheb iƹebbar zzayes ṯandint ḏ ṯiwwura nnes ḏ ȓḥiḍ nnes.

Lwaḥi 21:9

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin ig iƹemmaren s sebƹa n lmuṣibaṯ nni ṯineggura, inna-ayi: "Araḥ-d, aḏac d smeḍhareɣ ṯasȓiṯ, iƹni ṯenni ɣa yawin Izmar."

Lwaḥi 4:1

Menbaƹd i manaya ẓriɣ ijjen n ṯewwarṯ ṯnurzem ḏeg ujenna, sȓiɣ i ṯmijja nni iy ɣari d issiwȓen zi qbeȓ ṣṣut nnes igga am zzammar, ṯenna-ayi-d: "Gaƹƹeḏ-d ḏanita aḏac d smeḍhareɣ min labud ɣa iweqƹen menbaƹd i manaya."