Lwaḥi 16:9 - Ṯarifiṯ 2020

⁹ Cemḍen yiwḏan s lḥarara ijehḏen. Waxxa amenni qqaren awaȓen war iḥȓin ḏeg yisem n Arebbi wenni ɣar ṯeǧa ssulṭa x lmuṣibaṯ-a. War tuben ca, war ṯ semɣaren ca.

Lwaḥi 16:9 ပူးပေါင်းရင်းမြစ်များ

Luqa 13:3

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni.

Luqa 13:5

Qqareɣ-awem lla. Meȓa war ṯtubem ca, ataf marra iḏwem aḏ temmṯem amecnaw niṯni."

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

Lwaḥi 11:13

Ḏi ȓweqṯ nni iwqeƹ ijjen n zzinzal ḏ ameqqran, ṯnehḏem ƹecra ḏi miyya zi ṯendint. Mmuṯen ḏi zzinzal-a sebƹaȓaf n yiwḏan. Yinni iqqimen ggwḏen, bḏan semɣaren Arebbi ig iǧan ḏeg ujenna.

Lwaḥi 14:7

Ṯeqqar s jjheḏ: "Ggwḏem Arebbi semɣarem-ṯ, aqa ṯuweḍ-d ṯsaƹƹat nnes aḏ igg lḥisab ḏ lƹiqab. Sejjḏeṯ i wenni iy d ixeȓqen ajenna ḏ ṯmurṯ ḏ ȓebḥar ḏ ȓaƹnaṣer."

Lwaḥi 16:21

Iwḍa-d icarra ḏ ameqqran zeg ujenna x yiwḏan, kuȓ abquq iwezzen azyen uqendar. Iwḏan qqaren awaȓen war iḥȓin x Arebbi x ssabab n lmuṣiba-ya n icarra ȓaḥeqqac lmuṣiba-ya ḏ ṯameqqrant aṭṭas.

Lwaḥi 2:21

Uciɣ-as ȓweqṯ aḏ ttub zi lfasad nnes, walakin ṯugi aḏ ttub.

Lwaḥi 9:20

Walakin iwḏan ig inejmen zi lmuṣibaṯ-a war tuben ca s min ggin s ifassen nsen. Qqimen ƹaḏ ƹebbḏen ccayaṭin ḏ lʼaṣnam n ddheb ḏ nnuqarṯ ḏ nneḥḥas ḏ uzru ḏ ukeccuḍ iy war itwiȓin ca iy war itsȓin ca iy war igguren ca.