Lwaḥi 16:8 - Ṯarifiṯ 2020

⁸ Ṯekkar lmalaʼika wis arbeƹa ṯzeǧeƹ ṯimejmarṯ nnes x ṯfuct itwasmeḥ-as i ṯfuct aḏ tsecmeḍ iwḏan s ṯmessi.

Lwaḥi 16:8 ပူးပေါင်းရင်းမြစ်များ

Matta 13:6

Walakin wami ṯsummar ṯfuct, ṯnezȓef ȓexddenni ṯisraw ȓaḥeqqac iẓewran nnes war uwṯin ca ɣar ȓaǧeɣ n ṯmurṯ.

Luqa 21:25

Aḏ d meḍharent lƹalamaṯ ḏ ṯimeqqranin ḏi ṯfuct ḏ ṯziri ḏ yiṯran. Ḏi ṯmurṯ, ȓegnus aḏ yiȓi ḏaysen amnus minzi war fhimen ca i ssdaƹ n ȓmujaṯ n ȓebḥar.

Ȓexḏayem 2:20

Ṯfuct aḏ teḏweȓ ḏ ṯaǧest, ṯaziri aḏ teḏweȓ ḏ iḏammen qbeȓ iy d ɣa yas Nhar nni ameqqran lƹaḍim n Siḏi Arebbi.

Lwaḥi 14:18

Ikkar iffeɣ-d ijjen n lmalak nneɣni zi ȓmeḏbaḥ n ṯemziḏa ṯameqqrant ɣares ssulṭa x ṯmessi, iȓaɣa s jjheḏ inna-as i lmalak nni ɣar iǧa umjar iqḍeƹ: "Ysi amjar nnec, jmeƹ-d zzayes izekkunen n ṯzayarṯ n ṯmurṯ ȓaḥeqqac aḍiȓ ṯuweḍ-d ȓweqṯ nnes."

Lwaḥi 6:12

Ẓriɣ Izmar nni wami irzem acemmaƹ wis setta, ȓexddenni iwqeƹ ijjen n zzinzal ḏ ameqqran. Ṯfuct ṯeḏweȓ ḏ ṯabercant am ȓefḥam, ṯaziri ṯeḏweȓ am iḏammen.

Lwaḥi 7:16

War tȓizin war tfiḏin, war ṯen tsecmiḍ ṯfuct uȓa ḏ ȓeḥmu.

Lwaḥi 8:12

Ṯekkar lmalaʼika wis arbeƹa ṯṣuḍ ḏi zzammar nnes uca tuluṯ n ṯfucṯ ḏ ṯziri ḏ yiṯran twasenhezzen ḥima tuluṯ nni aḏ tiȓi ḏ ṯaǧesṯ, aḏ tenqes ijjen n tuluṯ n ṯfawṯ ḏi nhar uȓa ḏ ǧiȓeṯ.

Lwaḥi 9:2

Irzem anu nni itawin ɣar ȓaǧeɣ bȓa ȓaḥedd, yuȓi-d zzayes ddexxan amecnaw ddexxan n yijjen n ȓkuceṯ ḏ ṯameqqrant. Ddexxan n ȓaǧeɣ nni iɣeṭṭa ṯfucṯ ḏ ljuw.