Lwaḥi 16:19 - Ṯarifiṯ 2020

¹⁹ Ṯceqq ṯendint ṯameqqrant x tȓaṯa, nheḏment ṯneddam n ȓegnus. War ittu ca Arebbi ṯandint n Babil ṯameqqrant, fa innama yuca-as aḏ tsew zi ȓkas n waman uḍiȓ iƹni lƹiqab nnes ameqqran.

Lwaḥi 16:19 ပူးပေါင်းရင်းမြစ်များ

Lwaḥi 11:8

Aḏ teqqim ddat nsen ḏi ccariƹ n ṯendint ṯameqqrant umi qqaren s ȓmaƹna Sadum niɣ Miṣra iƹni mani itwaṣelleb Siḏiṯsen.

Lwaḥi 17:1

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin inna-ayi: "Araḥ-d, aḏac d smeḍhareɣ lḥisab ḏ lƹiqab n lfasda ṯameqqrant ig iqqimen x waṭṭas n waman.

Lwaḥi 17:18

Ṯamɣarṯ nni iy ṯeẓriḏ nettaṯ ḏ ṯandint ṯameqqrant ig iteḥkamen x izeǧiḏen n ṯmurṯ."

Lwaḥi 17:5

X ṯenyarṯ nnes yura ḏinni ijjen n yisem: Babil Ṯameqqrant, ḏ yemmaṯsent n lfasdaṯ ḏ ṯuƹuffna n ṯmurṯ. Walakin ȓmaƹna nnes war ṯ ifehhem ḥadd.

Lwaḥi 18:10

Aḏ bedden ɣar ȓeggwaj s ṯiggwḏi n ȓaƹḏab nnes niṯni qqaren: Ya Laṭif, ya Laṭif! Ya ṯandint ṯameqqrant, ya Babil ṯandint ijehḏen! Ḏeg yijjen n ṯsaƹƹat ihwa-d xam lḥisab ḏ lƹiqab!

Lwaḥi 18:2

Isnekkar ṯɣuyyeṯ s jjheḏ inna: "Qa ṯewḍa qa ṯewḍa Babil ṯameqqrant! Ṯeḏweȓ ḏ ṯazeddiɣṯ n ccayaṭin, ḏ ṯanwaȓṯ i mkuȓ jjenn aƹeffan, ḏ axbuc i mkuȓ ajḍiḍ ig iǧan ḥram ig iƹiffen.

Lwaḥi 18:21

Ijjen n lmalak ijheḏ iysi-d ijjen n uzru igga am uzru n ṯsirṯ ṯameqqrant, inḍar-iṯ ḏi ȓebḥar inna: "Ammu s jjheḏ iy ɣa ṯmenḍar Babil ṯandint ṯameqqrant, war itiȓi ca ƹemmarṣ.

Lwaḥi 18:5

Ȓmuƹṣiyaṯ nnes arnint ḥetta aȓ wami uwḍent ɣar ujenna, Arebbi war ittu ca ccarr nnes.