Lwaḥi 16:17 - Ṯarifiṯ 2020

¹⁷ Ṯekkar lmalaʼika wis sebƹa ṯzeǧeƹ ṯimejmarṯ nnes ḏi lhawa sȓiɣ i yijjen n ṯmijja zi ṯemziḏa ṯameqqrant iy d ikkin zi lƹarc ṯeqqar s jjheḏ: "Ṣafi, itwakemmeȓ!"

Lwaḥi 16:17 ပူးပေါင်းရင်းမြစ်များ

Yuḥanna 19:30

Wami iqqas Ƹisa aman nni, inna: "Itwakemmeȓ!" Isaḏar azeǧif nnes, isellem buḥbeȓ nnes.

Ayṯ-Ufasus 2:2

Ḏaysent iy tuɣa tƹicem xmi ṯeggurem ḏeg ubriḏ n ddunect-a ṯḏeffarem arrayes n ȓeḥkam iy iǧan jar ujenna ḏ ṯmurṯ iƹni Cciṭan iy iǧan netta ḏ arruḥ nni ig ixeddmen ḏeg yinni iy iƹeṣṣan Arebbi.

Ayṯ-Ufasus 6:12

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 11:19

Ṯnurzem ṯemziḏa ṯameqqrant n Arebbi ḏeg ujenna, imeḍhar-d tabut n ȓƹaheḏ n Arebbi ḏi ṯemziḏa nni. Iwqeƹ wassam ḏ iɣuyan ḏ wajjaj ḏ zzinzal ḏ icarra aṭṭas.

Lwaḥi 14:15

Ikkar iffeɣ-d ijjen n lmalak nneɣni zi ṯemziḏa ṯameqqrant, iqqar-as s jjheḏ i wenni iqqimen x useynu: "Ysi amjar nnec, mjar. Aqa ṯsaƹƹat n umjar ṯuweḍ-d, ṯafeǧaḥṯ n ṯmurṯ qa ṯewjeḏ."

Lwaḥi 14:17

Ikkar iffeɣ-d ijjen n lmalak nneɣni zi ṯemziḏa ṯameqqrant iǧan ḏeg ujenna, uȓa ḏ netta ɣares ijjen n umjar iqḍeƹ.

Lwaḥi 16:1

Sȓiɣ i yijjen n ṯmijja ṯendeq-d zi ṯemziḏa ṯameqqrant ṯeqqar-asent i sebƹa nni n lmalaʼikaṯ s jjheḏ: "Ruḥent zeǧƹent sebƹa n ṯmejmarin n uɣḍab n Arebbi x ṯmurṯ."

Lwaḥi 21:6

Inna-ayi: "Ṣafi, itwakemmeȓ. Nec ḏ lʼalif nec ḏ lyaʼ. Nec kuȓci zzayi ig ibḏa, nec kuȓci zzayi iy ɣa ikemmeȓ. Aḏ uceɣ i wenni iffuḏen zi ȓƹunṣar n waman n ṯuḏarṯ baṭeȓ.