Lwaḥi 15:7 - Ṯarifiṯ 2020

⁷ Ijjen zi arbeƹa n lmexluqaṯ yuca-asent i sebƹa nni n lmalaʼikaṯ sebƹa n ṯmejmarin ggin-ṯent s ddheb, ƹemmarent s uɣḍab n Arebbi iddaren i ȓebda n ȓebdaṯ.

Lwaḥi 15:7 ပူးပေါင်းရင်းမြစ်များ

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 10:6

Ijjuǧ s wenni iddaren i ȓebda n ȓebdaṯ iƹni wenni iy d ixeȓqen ajenna ḏ min ḏayes ḏ ȓbarr ḏ ȓebḥar ḏ min ḏaysen. Uca inna: "Ṣafi, war ṯeqqim bu ȓweqṯ ƹaḏ ktar.

Lwaḥi 14:10

ataf aḏ isew zeg waman uḍiȓ iqesḥen ig iǧan ḏ aɣḍab n Arebbi iƹni ḏ ȓkas n lƹiqab nnes. Aḏ iƹeddeb s ṯmessi ḏ ȓekbriyeṯ zzaṯ i lmalaʼikaṯ iṣfan ḏ Yizmar.

Lwaḥi 15:1

Ẓriɣ ijjen n lƹalama nneɣni ḏ ṯameqqrant ḏeg ujenna isḏehhacen, iƹni sebƹa n lmalaʼikaṯ ɣarsent sebƹa n lmuṣibaṯ ṯineggura, zzaysent iy ɣa itwakemmeȓ uɣḍab n Arebbi.

Lwaḥi 16:2

Ṯekkar ṯeffeɣ-d lmalaʼika ṯamezwarut ṯzeǧeƹ ṯimejmarṯ nnes x ṯmurṯ ffɣent-id ṯḥebba ḏ ṯiƹeffanin ṯinni iy teggent ȓeḥriq ȓeqfent iwḏan nni iy ḏi iǧa ṭṭabaƹ n ȓwaḥc tsejjaḏen i lʼaṣnam nnes.

Lwaḥi 17:1

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin inna-ayi: "Araḥ-d, aḏac d smeḍhareɣ lḥisab ḏ lƹiqab n lfasda ṯameqqrant ig iqqimen x waṭṭas n waman.

Lwaḥi 21:9

Yusa-d ɣari ijjen zi sebƹa n lmalaʼikaṯ nni iy ɣar ǧant sebƹa n ṯmejmarin ig iƹemmaren s sebƹa n lmuṣibaṯ nni ṯineggura, inna-ayi: "Araḥ-d, aḏac d smeḍhareɣ ṯasȓiṯ, iƹni ṯenni ɣa yawin Izmar."

Lwaḥi 4:10

ssenni ƹaweḏ arbeƹa u ƹicrin nni n imɣaren trekkaƹen-as i wenni iqqimen x lƹarc, tsejjaḏen-as i wenni iddaren i ȓebda n ȓebdaṯ. Kuȓ ijjen zzaysen ineṭṭar ttaj nnes zzaṯ i lƹarc iqqar:

Lwaḥi 5:8

Wami iysi Lkitab-a, lmexluqaṯ nni s arbeƹa ḏ arbeƹa u ƹicrin n imɣaren nni sejjḏen-as i Yizmar. Mkuȓ ijjen zzaysen ɣares ṯgambrit ɣares ṯimejmarin ggin-ṯent s ddheb ƹemmarent s tbaxur, iƹni ḏ ṯẓaǧiṯ n ȓmuminin ṣṣaliḥin.